Hemant Soren Case Update September:ઝારખંડના મુખ્યમંત્રી હેમંત સોરેનને 8.86 એકર જમીન સાથે જોડાયેલા મની લોન્ડરિંગ કેસમાં ઝારખંડ હાઈકોર્ટમાંથી રાહત મળી નથી. હાઈકોર્ટે PMLAની વિશેષ અદાલતમાં ચાલી રહેલી કાર્યવાહી પર રોક લગાવવાની તેમની અરજી ફગાવી દીધી છે. આ નિર્ણય બાદ હવે રાંચીની વિશેષ PMLA કોર્ટમાં કેસની આગળની કાર્યવાહી ચાલુ રહી શકશે.
Hemant Sorenની હાઈકોર્ટમાં શું માંગ કરી હતી?
હેમંત સોરેને(Hemant Soren) રાંચીની વિશેષ PMLA કોર્ટના અગાઉના નિર્ણયને પડકારતી ક્રિમિનલ રિવિઝન અરજી હાઈકોર્ટમાં દાખલ કરી હતી. સાથે જ તેમણે વચગાળાની રાહત માગીને નીચલી અદાલતમાં ચાલી રહેલી કાર્યવાહી અને આરોપ નક્કી કરવાની પ્રક્રિયા પર રોક મૂકવાની વિનંતી કરી હતી. જસ્ટિસ સુજીત નારાયણ પ્રસાદની(Justice Sujit Narayan Prasad) એકલપીઠે બંને પક્ષોની દલીલો સાંભળ્યા બાદ 16 સપ્ટેમ્બરે આ અરજી પર નિર્ણય અનામત રાખ્યો હતો. હવે હાઈકોર્ટે વચગાળાની રાહત આપવાનો ઇનકાર કર્યો છે.
PMLA કોર્ટમાં આગળ વધશે કાર્યવાહી
આ કેસમાં વિશેષ PMLA કોર્ટે અગાઉ હેમંત સોરેનની(Hemant Soren) ડિસ્ચાર્જ અરજી ફગાવી હતી. એટલે કે હાલના તબક્કે કોર્ટને તેમના વિરુદ્ધ પ્રથમ દૃષ્ટિએ કાર્યવાહી આગળ વધારવા જેટલો આધાર જણાયો હતો. સોરેને આ નિર્ણયને હાઈકોર્ટમાં પડકાર્યો હતો. હવે હાઈકોર્ટ તરફથી કાર્યવાહી પર રોક ન મળતાં વિશેષ અદાલતમાં આરોપ નક્કી કરવાની પ્રક્રિયા આગળ વધી શકે છે. આ કેસમાં અન્ય કેટલાક આરોપીઓ સામે પહેલેથી જ આરોપ નક્કી થઈ ચૂક્યા છે.
શું છે 8.86 એકર જમીનનો મામલો?
આ કેસ રાંચીના બડગાઈ વિસ્તારમાં આવેલી 8.86 એકર જમીનના કથિત ગેરકાયદેસર સંપાદન, માલિકી અને હસ્તાંતરણ સાથે સંબંધિત છે. એન્ફોર્સમેન્ટ ડિરેક્ટોરેટ એટલે કે EDએ આ વ્યવહારોને મની લોન્ડરિંગના કેસ(Money laundering cases) સાથે જોડ્યા છે. EDના આરોપો મુજબ જમીન વ્યવહારમાં ગેરરીતિ થઈ હતી અને આ સમગ્ર પ્રક્રિયામાં સોરેનની સંડોવણી હોવાનો દાવો કરવામાં આવ્યો છે. હેમંત સોરેન(Hemant Soren) આ આરોપોને નકારી ચૂક્યા છે. આ આરોપો હજુ ટ્રાયલ દરમિયાન પુરાવાની કસોટીમાંથી પસાર થવાના છે.
The Jharkhand High Court dismissed Jharkhand Chief Minister Hemant Soren’s intervention plea (IA) against Special PMLA court’s decision to reject his discharge petition in the Bargain land-scam case.
Through the IA, CM Soren had prayed for stay on proceedings by PMLA court,… pic.twitter.com/jxxbdufT96
— ANI (@ANI) September 18, 2026
હાઈકોર્ટમાં મુખ્ય કેસની સુનાવણી ચાલુ રહેશે
હાઈકોર્ટે(High Court) વચગાળાની રાહત આપવાનો ઇનકાર કર્યો હોવા છતાં મુખ્ય ક્રિમિનલ રિવિઝન અરજીનો(Criminal Revision Application) અંતિમ નિર્ણય હજુ બાકી છે. સંબંધિત મામલો 14 ઓક્ટોબર 2026ના રોજ ફરી સુનાવણી માટે સૂચિબદ્ધ કરવામાં આવ્યો છે. આથી હાઈકોર્ટનો હાલનો નિર્ણય હેમંત સોરેનને(Hemant Soren) દોષિત ઠેરવતો નથી. કેસમાં લગાવવામાં આવેલા આરોપોનો અંતિમ નિર્ણય ટ્રાયલ અને કાયદાકીય પ્રક્રિયા બાદ જ થશે.
આ પણ વાંચો: હેમંત સોરેન 28 નવેમ્બરે મુખ્યમંત્રી તરીકે શપથ લેશે : ઝારખંડમાં સતત બીજી વખત સીએમ બનનાર પ્રથમ નેતા
આ પણ વાંચો:હેમંત સોરેનના નિવાસસ્થાને ભાજપનો વિરોધ, મંત્રી ઇરફાન અંસારીએ લગાવ્યો હત્યાના પ્રયાસનો આરોપ
આ પણ વાંચો: ઝારખંડના પૂર્વ સીએમ હેમંત સોરેન પાંચ મહિના બાદ જેલમાંથી છૂટ્યા, જમીન કૌભાંડમાં ગયા જેલમાં
