India News : એપલની (iPhone)નવી ફ્લેગશિપ સિરીઝ iPhone 18 Pro ની ભારતીય બજારમાં શરૂઆતી કિંમત 1,64,900 છે, જ્યારે iPhone 18 Pro Max ની કિંમત 1,79,900 થી શરૂ થાય છે. આ જ મોડલ્સ સંયુક્ત આરબ અમીરાત (UAE) માં આશરે 1,32,000 અને 1,42,400 માં ઉપલબ્ધ છે. દુબઈ અને ભારત વચ્ચે કિંમતના આ મોટા તફાવતને કારણે વિદેશ પ્રવાસે જતા અનેક મુસાફરો ત્યાંથી આઈફોન ખરીદવાનું પસંદ કરે છે. જોકે, એરપોર્ટ પર કસ્ટમ્સ ચેકિંગ અને ડ્યુટીને લઈને ઘણા લોકોમાં અસમંજસ જોવા મળે છે.
iPhone : દુબઈથી કેટલા ફોન સાથે લાવી શકાય?
ભારતીય કસ્ટમ્સ બેગેજ રૂલ્સ ૨૦૨૬ મુજબ દુબઈથી ભારત પાછા ફરતી વખતે ફોન લાવવાની કોઈ ચોક્કસ આંકડાકીય લિમિટ નથી, પરંતુ તેને ઉપયોગના હેતુ આધારે વર્ગીકૃત કરવામાં આવે છે. જો તમે તમારો પોતાનો પર્સનલ અનબોક્સ થયેલો કે વાપરેલો ફોન લાવતા હોવ, તો તેને અંગત સામાન ગણીને કોઈ ડ્યુટી લેવામાં આવતી નથી. પરંતુ, જો કોઈ મુસાફર પરિવાર કે મિત્રો માટે સીલબંધ (Sealed) બોક્સ વાળા મલ્ટીપલ આઈફોન લાવે છે, તો કસ્ટમ્સ વિભાગ તેને કોમર્શિયલ અથવા નોન-પર્સનલ કેટેગરી ગણીને તેની તપાસ કરી શકે છે અને ડ્યુટી વસૂલી શકે છે.
ડ્યુટી ફ્રી લિમિટ અને ડિક્લેરેશનના નિયમો
વર્ષ 2026 ના સુધારેલા બેગેજ નિયમો અનુસાર, ફ્લાઇટ કે દરિયાઈ માર્ગે ભારત આવતા ભારતીય નાગરિકો માટે ડ્યુટી-ફ્રી સામાન લાવવાની મર્યાદા વધારીને 75000 કરવામાં આવી છે. આ ફ્રી એલોવન્સ મર્યાદા કરતા વધુ કિંમતના નવા પ્રોડક્ટ્સ લાવવા પર કસ્ટમ્સ ડ્યુટી ચૂકવવી ફરજિયાત છે. જો તમારી પાસે ફ્રી લિમિટથી વધુ કિંમતનો નવો સામાન હોય, તો એરપોર્ટ પર રેડ ચેનલ પર જઈને અથવા CBIC ના ‘અતિથિ’ (Atithi) પોર્ટલ પર ઓનલાઈન ડિક્લેરેશન કરવું પડે છે.
આ પણ વાંચો :દિલ્હી એરપોર્ટ પર SpiceJetની ફ્લાઈટ્સમાં વિક્ષેપ, એરપોર્ટ પર મુસાફરોએ નોંધાવ્યો વિરોધ
આ પણ વાંચો :8મા પગાર પંચ પહેલાં કર્મચારીઓને મોટી રાહત: CGHSનો 5 KM નિયમ દૂર
આ પણ વાંચો :DUSU ચૂંટણીમાં મોટો ઉલટફેર, અપક્ષ દીપાંશુ શૌકીનની જોરદાર લીડ; ABVP-NSUI પાછળ
