Amreli Congress President Sandeep Dhanani Attack:  અમરેલી શહેરમાં મોડી રાત્રે મારામારીની ઘટના સામે આવી છે, જેમાં શહેર કોંગ્રેસ પ્રમુખ સંદીપ ધાનાણી પર ધર્મકુમાર જાગૃતભાઈ જોષીપુરા નામના યુવક પર હુમલો કરવાનો આરોપ છે. પ્રાથમિક અહેવાલ મુજબ, હુમલામાં યુવકના માથામાં ગંભીર ઈજા થઈ હતી અને તેને 9 ટાંકા આવ્યા હતા. શરૂઆતમાં અમરેલીની હોસ્પિટલમાં સારવાર બાદ વધુ સારવાર માટે તેને રાજકોટ સિવિલ હોસ્પિટલમાં ખસેડવામાં આવ્યો હતો. સમગ્ર ઘટનાના દૃશ્યો નજીકના CCTV કેમેરામાં કેદ થયા હોવાનું સામે આવ્યું છે.

સાવરકુંડલા બાયપાસ પાસે બની ઘટના

આ ઘટના સાવરકુંડલા બાયપાસ રોડ પર RTO ઓફિસ નજીક આવેલી રાજચામુંડા પાનની દુકાન પાસે બની હોવાનું સામે આવ્યું છે. મળતી માહિતી મુજબ, ધર્મકુમાર જોષીપુરા મોડી રાત્રે માવો-મસાલો લેવા માટે ત્યાં ગયા હતા. તે સમયે સંદીપ ધાનાણી પણ ત્યાં હાજર હતા. કોઈ બાબતે બંને વચ્ચે બોલાચાલી થઈ હતી અને ત્યારબાદ મામલો ઉગ્ર બન્યો હતો.

કીટલી વડે હુમલો કરવાનો આરોપ

આરોપ મુજબ, બોલાચાલી બાદ સંદીપ ધાનાણીએ(Amreli) નજીકના ચાના કાઉન્ટર પરથી કીટલી લઈને ધર્મકુમાર પર હુમલો કર્યો હતો. યુવકના માથાના ભાગે અનેક ઘા વાગતાં તેને ગંભીર ઈજા થઈ હતી. ઘટનાની જાણ થતાં પોલીસ અને પરિવારજનો પણ હોસ્પિટલ પહોંચ્યા હતા. સારવાર દરમિયાન ઇજાની ગંભીરતાને ધ્યાનમાં રાખીને યુવકને રાજકોટ ખસેડવામાં આવ્યો હતો. મારામારીની સમગ્ર ઘટના નજીકમાં લાગેલા CCTV કેમેરામાં કેદ થઈ હોવાનું સામે આવ્યું છે. પોલીસ દ્વારા CCTV ફૂટેજ સહિત અન્ય પુરાવાઓની તપાસ કરવામાં આવી રહી છે. આ ફૂટેજના આધારે ઘટનાનો ચોક્કસ ક્રમ અને બંને પક્ષો વચ્ચે શું બન્યું હતું તે અંગે તપાસ આગળ વધારવામાં આવી રહી છે.

પોલીસ ફરિયાદ બાદ તપાસ શરૂ

ઇજાગ્રસ્ત યુવકની ફરિયાદ અને તબીબી અહેવાલના આધારે અમરેલી(Amreli) પોલીસે(Amreli Police) સંદીપ ધાનાણી(Sandeep Dhanani) સામે મારામારી સહિતની વિવિધ કલમો હેઠળ ગુનો નોંધ્યો હોવાનું અહેવાલોમાં જણાવાયું છે. હુમલા બાદ જાનથી મારી નાખવાની ધમકી આપવામાં આવી હોવાનો પણ ફરિયાદમાં આક્ષેપ કરવામાં આવ્યો છે. સમગ્ર મામલે પોલીસ વધુ તપાસ કરી રહી છે. સંદીપ ધાનાણી અમરેલી શહેર કોંગ્રેસ પ્રમુખ છે. તેઓ પૂર્વ વિપક્ષ નેતા પરેશ ધાનાણીના પિતરાઈ ભાઈ હોવાનું અહેવાલોમાં જણાવાયું છે. ઘટનાને કારણે અમરેલીમાં(Amreli) રાજકીય ચર્ચા પણ શરૂ થઈ છે. જોકે, હુમલા પાછળનું ચોક્કસ કારણ અને સમગ્ર ઘટનાની હકીકત પોલીસ તપાસ પૂર્ણ થયા બાદ વધુ સ્પષ્ટ થશે.

આ પણ વાંચો:પટ્ટા ઉતરશે તો પેન્ટ પણ નહીં સચવાય,પરેશ ધાનાણીના વિવાદિત નિવેદનથી ગુજરાતમાં નવો રાજકીય તોફાન

આ પણ વાંચો:પરેશ ધાનાણીએ ‘આપ’ અને ‘બાપ’ બંનેને એક જ માની પેદાશ ગણાવ્યા

આ પણ વાંચો:ખેડૂતોને ₹8,000 નું સરકારી વળતર આપતા પરેશ ધાનાણીનું નિવેદન આવ્યું સામે