National News : તમિલનાડુના કન્યાકુમારી જિલ્લામાં YouTuber Gold Theftનો ચોંકાવનારો મામલો સામે આવ્યો છે. થમ્માથુકોનમ વિસ્તારના VIP Gardenમાં રહેતા YouTuber વિનોદ કુમાર અને તેમની પત્ની મધુમિતાના ઘરમાંથી 118 સોવરન એટલે કે લગભગ 944 ગ્રામ સોનું અને રોકડ ચોરી થઈ હોવાનું સામે આવ્યું છે. દંપતી સોશિયલ મીડિયા પર સોના-દાગીના અને રોકડ સાથેના વીડિયો પોસ્ટ કરતા હોવાનું જણાવાઈ રહ્યું છે. તેથી તપાસમાં સોશિયલ મીડિયા એંગલ પણ મહત્વનો બની રહ્યો છે.
YouTuber Gold Theftમાં 118 સોવરન સોનું ગાયબ
પ્રાથમિક માહિતી મુજબ રાત્રિના સમયે અજાણ્યા ચોરોએ ઘરના પાછળના દરવાજાને નિશાન બનાવ્યો હતો. દરવાજો તોડીને ઘરમાં પ્રવેશ્યા બાદ ચોરોએ કિંમતી દાગીના (Gold Jewellery Theft)અને રોકડ પર હાથ સાફ કર્યો હતો. ચોરી થયેલા સોનાની માત્રા 118 સોવરન હોવાનું જણાવાયું છે.
દક્ષિણ ભારતમાં સોનાની ગણતરી માટે સોવરનનો ઉપયોગ થાય છે. એક સોવરન આશરે 8 ગ્રામ ગણવામાં આવે છે. આ પ્રમાણે 118 સોવરન (118 Sovereign Gold)નું વજન આશરે 944 ગ્રામ, એટલે કે લગભગ એક કિલો સોનું થાય છે.
પાછળનો દરવાજો તોડી ઘરમાં પ્રવેશ
ચોરી કયા સમયે થઈ અને ઘટનામાં કેટલા લોકો સામેલ હતા તે અંગે હજુ સંપૂર્ણ વિગતો સામે આવી નથી. જોકે પ્રાથમિક તપાસમાં ચોરોએ ઘરના પાછળના દરવાજાને તોડીને અંદર પ્રવેશ કર્યો હોવાનું સામે આવ્યું છે.
ચોરો અગાઉથી ઘરની રેકી કરીને આવ્યા હતા કે ઘટનાને અચાનક અંજામ આપ્યો હતો, તે અંગે પણ પોલીસ તપાસ કરી રહી છે. ઘરના પાછળના ભાગને જ પ્રવેશ માટે કેમ પસંદ કરવામાં આવ્યો તે પણ તપાસનો એક મહત્વનો મુદ્દો છે.
સોશિયલ મીડિયા પરથી મળી હતી માહિતી?
આ કેસમાં Social Media Theftનો એંગલ પણ તપાસવામાં આવી રહ્યો છે. વિનોદ કુમાર અને તેમની પત્ની સોશિયલ મીડિયા પર સોનાના દાગીના તથા રોકડ સાથે જોડાયેલા વીડિયો પોસ્ટ કરતા હોવાનું જણાવાયું છે.
આથી પોલીસ એ દિશામાં પણ તપાસ કરી રહી છે કે સોશિયલ મીડિયા પર મુકવામાં આવેલા વીડિયો પરથી કોઈ વ્યક્તિને ઘરમાં રાખવામાં આવેલા કિંમતી સામાન અંગે માહિતી મળી હતી કે નહીં. જોકે હાલ ચોરી અને સોશિયલ મીડિયા પોસ્ટ વચ્ચે સીધો સંબંધ હોવાનું પોલીસ દ્વારા સત્તાવાર રીતે સાબિત થયું નથી.
CCTV ફૂટેજથી ચોરોની શોધખોળ
ઘરમાં ચોરીની જાણ થતાં રાજક્કમંગલમ પોલીસ ઘટનાસ્થળે પહોંચી હતી. પોલીસે સ્થળનું નિરીક્ષણ કર્યા બાદ આસપાસના CCTV કેમેરાની ફૂટેજ તપાસવાનું શરૂ કર્યું છે.
પોલીસ ચોરોની સંખ્યા, તેમની અવરજવર અને ઘટનાસ્થળેથી તેઓ કઈ દિશામાં ગયા તેની માહિતી મેળવવાનો પ્રયાસ કરી રહી છે. ચોરી દરમિયાન કોઈ શંકાસ્પદ વ્યક્તિ અથવા વાહન CCTVમાં કેદ થયું છે કે નહીં તે પણ તપાસવામાં આવી રહ્યું છે.
હાલમાં આ કેસમાં કોઈ આરોપીની ઓળખ અથવા ધરપકડ થયાની માહિતી સામે આવી નથી. પોલીસ ઘટનાસ્થળેથી મળેલા પુરાવા, CCTV ફૂટેજ અને અન્ય માહિતીના આધારે તપાસ આગળ વધારી રહી છે. સોશિયલ મીડિયા પર દેખાડવામાં આવેલી સંપત્તિ અને ચોરી વચ્ચે કોઈ સંબંધ છે કે નહીં તે તપાસ પૂર્ણ થયા બાદ જ સ્પષ્ટ થશે.
