Narmada News: નર્મદા જિલ્લાના સાગબારા તાલુકાના ખોપી ગામે આદિવાસી ખેડૂતોના જમીન અધિકારનો મુદ્દો ફરી (Sagbara Forest Rights Satyagraha) ગરમાયો છે. વન અધિકાર સહિતની વિવિધ માંગણીઓને લઈને વન અધિકાર સત્યાગ્રહ આંદોલન પુનઃ શરૂ કરવામાં આવ્યું છે. ખોપી ખાતે (Khopi Village Narmada) યોજાયેલી જાહેરસભામાં મોટી સંખ્યામાં સ્થાનિક ખેડૂતો અને આદિવાસી આગેવાનો ઉપસ્થિત રહ્યા હતા. આ પ્રસંગે ભૂતપૂર્વ મુખ્યમંત્રી શંકરસિંહ વાઘેલા, વિપક્ષી નેતા તુષાર ચૌધરી, અમિત ચાવડા, ધારાસભ્ય અનંત પટેલ અને મહેશ વસાવા સહિતના નેતાઓએ હાજરી આપી હતી.

Sagbara Forest Rights Satyagraha: જમીનના અધિકાર અને સનદ આપવાની માંગ

આંદોલનકારીઓની મુખ્ય માંગ વર્ષોથી (Forest Rights Gujarat) ખેતી કરતા આદિવાસી ખેડૂતોને તેમની જમીનના કાયદેસરના અધિકાર અને સનદ આપવાની છે. ખેડૂતોનું કહેવું છે કે તેઓ લાંબા સમયથી જમીન પર ખેતી કરી રહ્યા છે, છતાં હજુ સુધી તેમને જમીનનો અધિકાર મળ્યો નથી. આ સાથે વન વિભાગ દ્વારા ખેડૂતોને થતી કથિત હેરાનગતિ બંધ કરવાની પણ માંગ કરવામાં આવી છે.

સરકાર સામે વિપક્ષના આક્ષેપ

જાહેરસભામાં વિપક્ષના નેતાઓએ રાજ્ય સરકારની નીતિઓ સામે આકરા સવાલો ઉઠાવ્યા હતા. નેતાઓએ આક્ષેપ કર્યો હતો કે ઉદ્યોગો માટે જમીન ફાળવવામાં આવે છે, પરંતુ વર્ષોથી ખેતી કરતા સ્થાનિક આદિવાસી ખેડૂતોને તેમના હકની જમીન માટે સંઘર્ષ કરવો પડી રહ્યો છે. ખેડૂતોનો (Sagbara Forest Rights Satyagraha)  દાવો છે કે વન મંત્રી દ્વારા સનદ આપવાનું આશ્વાસન આપવામાં આવ્યું હતું, પરંતુ તેનો હજુ સુધી અમલ થયો નથી.

25 વર્ષથી ખેતી, છતાં અધિકારનો સવાલ

સ્થાનિક ખેડૂતોના જણાવ્યા મુજબ તેઓ છેલ્લા આશરે 25 વર્ષથી જે જમીન પર ખેતી કરી રહ્યા છે, ત્યાં વન વિભાગ દ્વારા પ્લાન્ટેશનના નામે દખલ કરવાનો પ્રયાસ કરવામાં આવી રહ્યો છે. ખેડૂતોનો આરોપ છે કે વન વિભાગના કર્મચારીઓ દ્વારા તેમને વારંવાર હેરાન કરવામાં આવે છે. જોકે, આ આક્ષેપો અંગે સંબંધિત વન વિભાગ અથવા સરકારનું પક્ષ અલગથી સામે આવે તો તે પણ મહત્વનું રહેશે.

માંગ નહીં સંતોષાય તો ગાંધીનગર કૂચ

આંદોલનને આગામી દિવસોમાં વધુ ઉગ્ર બનાવવાની ચીમકી આપવામાં આવી છે. ધારાસભ્ય અનંત પટેલે જણાવ્યું હતું કે પોતાના હક માટે આદિવાસી ખેડૂતો જેલભરો આંદોલન માટે પણ તૈયાર છે. બીજી તરફ શંકરસિંહ વાઘેલાએ પોતાના (Shankarsinh Vaghela) સંબોધનમાં 2027માં સરકાર બદલવાની હાકલ કરી હતી. આંદોલનકારીઓએ સ્પષ્ટ ચીમકી આપી છે કે જો તેમની માંગણીઓનું નિરાકરણ નહીં આવે તો બળદગાડાં સાથે ગાંધીનગર કૂચ કરીને સરકાર (Gandhinagar March) સામે વિરોધ નોંધાવવામાં આવશે.

વન અધિકાર અને જમીનના હકનો આ મુદ્દો હવે ફરી રાજકીય અને સામાજિક ચર્ચાના કેન્દ્રમાં આવ્યો છે. એક તરફ ખેડૂતો પોતાના લાંબા સમયથી ચાલતા જમીન અધિકારના પ્રશ્નના ઉકેલની માંગ કરી રહ્યા છે, તો બીજી તરફ સરકાર અને વન વિભાગ તરફથી આક્ષેપો અંગે શું સ્પષ્ટતા કરવામાં આવે છે તેના પર પણ સૌની નજર રહેશે.

આ પણ વાંચો: સાગબારા મુદ્દે મનસુખ વસાવાનો PM મોદીને પત્ર, વન વિભાગ સામે ગંભીર આક્ષેપ

આ પણ વાંચો: ‘એક તરફ પારણા, બીજી તરફ આદિવાસીઓને ઉપાડવાના આદેશ’: સાગબારા મુદ્દે મનસુખ વસાવાનો સરકાર પર પ્રહાર

આ પણ વાંચો: સાગબારાના આદિવાસી ખેડૂતોના જમીનના દાવાઓ હાઈકોર્ટમાં, 5 ઓક્ટોબરે સુનાવણી