Andhra Pradesh News: આંધ્રપ્રદેશના પ્રકાશમ જિલ્લામાં આવેલા દરસી (Darsi News) વિસ્તારમાં 22 વર્ષીય યુવતીનો મૃતદેહ તળાવ કિનારેથી મળી આવતા ચકચાર મચી ગઈ છે. મૃતકની ઓળખ શેખ આયશા (Sheikh Ayesha Case) તરીકે થઈ છે. આયશાએ તાજેતરમાં જ ગ્રેજ્યુએશન પૂર્ણ કર્યું હતું. પરિવારજનોએ તેની સાથે કંઈક અઘટિત બન્યું હોવાની આશંકા વ્યક્ત કરીને ન્યાયની માંગ કરી છે.
Andhra Pradesh News: મિત્રો પાસે જવાનું કહીને ઘરેથી નીકળી હતી આયશા
મળતી માહિતી મુજબ, 5 ઑક્ટોબરના રોજ આયશા મિત્રો પાસે જવાનું કહીને પોતાની સ્કૂટી પર ઘરેથી નીકળી હતી. જોકે, મોડી રાત સુધી તે પરત ન ફરતાં પરિવારજનો ચિંતિત બન્યા હતા. તેમણે સંબંધીઓ અને ઓળખીતાઓ પાસે તેની શોધખોળ કરી હતી. કોઈ માહિતી ન મળતાં આયશાના પિતા શેખ રહમત બાશાએ દરસી પોલીસ સ્ટેશનમાં ગુમ થયાની ફરિયાદ નોંધાવી હતી.
બીજા દિવસે તળાવ નજીકથી મૃતદેહ મળ્યો
બીજા દિવસે દરસી નજીક આવેલા NAP તળાવ (NAP Tank Darsi)ના કિનારેથી એક યુવતીનો મૃતદેહ મળી આવ્યો હતો. પરિવારજનોએ મૃતદેહની ઓળખ આયશા તરીકે કરી (Ayesha Death Case) હતી. અહેવાલ મુજબ, ઘટનાસ્થળ નજીક તેની સ્કૂટી પણ મળી આવી હતી. પરિવારજનોએ તેના શરીર પર ઈજાનાં નિશાન અને હાથમાં ફ્રેક્ચર હોવાનો દાવો કર્યો છે. આ પરિસ્થિતિને પગલે તેમણે હત્યાની આશંકા વ્યક્ત કરી છે.
પોલીસ દ્વારા તપાસ શરૂ
પોલીસે ઘટનાસ્થળેથી પુરાવા એકત્રિત કર્યા છે અને મૃતદેહને પોસ્ટમોર્ટમ માટે મોકલ્યો છે. આયશાના મોબાઇલના કોલ ડિટેલ રેકોર્ડ્સની તપાસ પણ કરવામાં આવી રહી છે, જેથી તેના છેલ્લાં સંપર્કો વિશે માહિતી મળી શકે.
પરિવારજનોએ ઘટનામાં સંડોવાયેલા લોકોની ઓળખ કરીને તેમની સામે કડક કાર્યવાહી કરવાની માંગ કરી છે. જોકે, મૃત્યુનું ચોક્કસ કારણ અને ઘટનાની પાછળનું સત્ય પોલીસ તપાસ તથા પોસ્ટમોર્ટમ રિપોર્ટ બાદ જ સ્પષ્ટ થઈ શકશે.
આ પણ વાંચો: રાજકોટમાં મૃતદેહ બદલાયો : અમેરિકાથી દિકરી આવી ગઈ પણ પિતાના દર્શન ન થયા
આ પણ વાંચો: શારજાહમાં કર્નાટકના નાગરિકની નિર્મમ હત્યા: 2 મહિના બાદ કારમાંથી મળ્યા મૃતદેહના 9 ટુકડા
આ પણ વાંચો: જમ્મુ-કાશ્મીરના રામબનમાં મોટો ધડાકો: બંધ કારમાંથી મળી આવ્યા બે પોલીસકર્મીઓના મૃતદેહ
