Gandhinagar News: ગાંધીનગરમાં પેથાપુર સ્થિત ગુજરાત ઇલેક્ટ્રિસિટી બોર્ડ (GEB Power Plant) પાવર પ્લાન્ટ પાસે આવેલા રેલવે ગેટ પરથી (GEB Railway Gate Closed) પસાર થતા વાહનચાલકો માટે અગત્યની સૂચના જાહેર કરવામાં આવી છે. પશ્ચિમ રેલવેના અમદાવાદ મંડળ દ્વારા રિપેરિંગ અને કોંક્રિટ રોડના કામકાજને કારણે રેલવે ક્રોસિંગ નંબર 5 એટલે કે GEB ગેટને 12 દિવસ માટે વાહનવ્યવહાર માટે બંધ (Gandhinagar Traffic) રાખવાનો નિર્ણય લેવામાં આવ્યો છે.
GEB Railway Gate Closed: 14થી 25 ઓક્ટોબર સુધી અવરજવર બંધ
રેલવે પ્રશાસન દ્વારા આપવામાં આવેલી માહિતી મુજબ, GEB રેલવે ગેટ પર કોંક્રિટ રોડ બનાવવાની કામગીરી હાથ ધરવામાં આવશે. આથી 14 ઓક્ટોબર, 2026ના રોજ સવારે 8 વાગ્યાથી 25 ઓક્ટોબર, 2026ના રોજ રાત્રે 8 વાગ્યા સુધી આ ક્રોસિંગ પરથી તમામ પ્રકારનાં વાહનોની (Railway Crossing No 5) અવરજવર બંધ રહેશે. આ સમયગાળા દરમિયાન આ માર્ગનો ઉપયોગ કરતા વાહનચાલકોએ પોતાની મુસાફરીનું આયોજન અગાઉથી કરવું પડશે.
વાહનચાલકો માટે વૈકલ્પિક રૂટની વ્યવસ્થા
રેલવે ગેટ બંધ રહેવાના સમયગાળા દરમિયાન વાહનચાલકોને મુશ્કેલી ન પડે તે માટે વૈકલ્પિક માર્ગની વ્યવસ્થા કરવામાં આવી છે. વાહનચાલકો રેલવે ક્રોસિંગ નંબર 5ના બદલે રેલવે ક્રોસિંગ નંબર 4નો ઉપયોગ કરી શકશે. આથી પેથાપુર અને ગાંધીનગર યાર્ડ વચ્ચે અવરજવર કરતા લોકોએ માર્ગ બંધ (Western Railway) રહેવાના સમયગાળાને ધ્યાનમાં રાખીને વૈકલ્પિક રૂટ અપનાવવો જરૂરી છે.
મુસાફરી પહેલાં રૂટનું આયોજન કરવા અપીલ
GEB પાવર પ્લાન્ટ પાસેના આ રેલવે ગેટ પરથી રોજિંદા અવરજવર કરતા વાહનચાલકોને 14થી 25 ઓક્ટોબર દરમિયાન ખાસ ધ્યાન રાખવાની સલાહ આપવામાં આવે છે. રોડનું કામ પૂર્ણ ન થાય ત્યાં સુધી રેલવે ક્રોસિંગ નંબર 4નો ઉપયોગ કરવાથી બંધ માર્ગને કારણે થતી મુશ્કેલી ટાળી શકાશે.
આ પણ વાંચો: નવરાત્રિમાં બહારનું ખાવાનું ખાતાં પહેલાં ચેતી જજો! ગુજરાતમાં 328 હોસ્ટેલ-કેન્ટીનને નોટિસ
આ પણ વાંચો: ગાંધીનગર મનપા ચૂંટણી પરિણામ! ભાજપને 38, કોંગ્રેસને 5 બેઠક, આપનું ખાતું પણ ન ખુલ્યું
આ પણ વાંચો: વડોદરામાં ફુડ વિભાગ એક્શનમાં: દશેરા પહેલાં મીઠાઈ-ફરસાણની દુકાનોમાં ચેકિંગ, ગંદકી જણાતા નોટિસ ફટાકારાઈ
