Mahisagar News: મહીસાગર જિલ્લાના લુણાવાડા તાલુકામાં પ્રેમસંબંધના કારણે હત્યાનો (Lunawada Murder Case) ચોંકાવનારો કિસ્સો સામે આવ્યો છે. ગરીયા ગામની સીમમાંથી 16 ઓક્ટોબરે મળી આવેલી 45 વર્ષીય પ્રવીણ વણકરની લાશના કેસમાં (Pravin Vankar Murder)પોલીસે તેમની પત્ની મનીષા અને તેના કથિત પ્રેમી હિતેષ પટેલની ધરપકડ કરી છે. પોલીસ તપાસ મુજબ, પતિ પ્રેમસંબંધમાં અડચણરૂપ બનતો હોવાથી બંનેએ કથિત રીતે તેની હત્યાનું કાવતરું ઘડ્યું હતું.
Lunawada Murder Case: ગરીયા ગામની સીમમાંથી મળી હતી લાશ
16 ઓક્ટોબર, 2026ના રોજ ગરીયા ગામની સીમમાં (Gariya Village Murder) પ્રવીણ વણકરનો મૃતદેહ મળી આવ્યો હતો. મૃતકના પુત્રએ સૌથી પહેલાં લાશ જોઈ હતી. ત્યારબાદ કોઠંબા પોલીસ સ્ટેશનમાં હત્યાનો ગુનો નોંધવામાં આવ્યો હતો.
કેસની ગંભીરતાને ધ્યાનમાં રાખીને પોલીસે તપાસ શરૂ કરી હતી. તપાસ દરમિયાન ભૌતિક પુરાવા, માનવ બાતમી અને ટેકનિકલ માહિતીના આધારે આગળની કાર્યવાહી કરવામાં આવી હતી. તપાસમાં મૃતકની પત્ની મનીષા અને કોલવણ ગામના હિતેષ દલા પટેલની કથિત સંડોવણી સામે આવી હતી.
મોબાઇલ ફોનથી પ્રેમસંબંધની જાણ થઈ
પોલીસ તપાસ મુજબ, મનીષા અને હિતેષ વચ્ચે છેલ્લા ત્રણ વર્ષથી પ્રેમસંબંધ (Wife Lover Murder Case) હતો. બંને મોબાઇલ ફોન દ્વારા એકબીજાના સંપર્કમાં રહેતાં હતાં. હિતેષે મનીષાને વાતચીત કરવા માટે મોબાઇલ આપ્યો હતો.
આ મોબાઇલ પ્રવીણના હાથમાં આવી જતાં પતિ-પત્ની વચ્ચે ઝઘડો થયો હોવાનું તપાસમાં સામે આવ્યું છે. પોલીસના જણાવ્યા અનુસાર, ત્યારબાદ બંનેએ પ્રવીણને રસ્તામાંથી દૂર કરવાનો કથિત પ્લાન બનાવ્યો હતો.
ઘરમાં છુપાઈને બેઠેલા પ્રેમીએ હુમલો કર્યો હોવાનો આરોપ
લુણાવાડા ડિવિઝનના ડીવાયએસપી કમલેશ વસાવાએ આપેલી માહિતી મુજબ, આરોપીઓ છેલ્લા કેટલાક દિવસથી હત્યાનું આયોજન કરી રહ્યા હતા.
પોલીસ તપાસ અનુસાર, બનાવની રાત્રે પ્રવીણ ઘરની બહાર ગયા ત્યારે હિતેષ ઘરમાં ઘૂસી ગયો હતો અને ત્યાં છુપાઈને બેઠો હતો. પ્રવીણ પથારીમાં સૂઈ ગયા બાદ હિતેષે તેમના માથાના ભાગે લાકડીના ફટકા માર્યા હોવાનો આરોપ છે. પ્રવીણ જાગી જતાં બંને વચ્ચે ઝપાઝપી થઈ હતી.
આ દરમિયાન હિતેષે ચાદર વડે પ્રવીણનું ગળું દબાવ્યું હતું, જ્યારે મનીષાએ પણ લાકડી અને કપડાં ધોવાના ધોકા વડે હુમલો કર્યો હોવાનો પોલીસનો દાવો છે. ગંભીર ઈજાઓને કારણે પ્રવીણનું મોત થયું હતું.
લાશને ઘરથી 200 મીટર દૂર ખેતરમાં ફેંકી
પોલીસના જણાવ્યા અનુસાર, હત્યા બાદ બંને આરોપીઓએ પ્રવીણનો મૃતદેહ ઘરની બહાર લઈ જઈ આશરે 200 મીટર દૂર આવેલા ખેતરમાં ફેંકી દીધો હતો. આ રીતે ઘટનાને અન્ય કોઈ વ્યક્તિએ અંજામ આપ્યો હોય તેવી છાપ ઊભી કરવાનો પ્રયાસ કર્યો હોવાની આશંકા છે.
પોલીસે તપાસના આધારે મનીષા અને હિતેષ પટેલની ધરપકડ (Hitesh Patel Arrested) કરી છે. હાલ બંને સામે કાયદેસરની કાર્યવાહી હાથ ધરવામાં આવી છે અને કેસમાં વધુ તપાસ ચાલી રહી છે.
આ પણ વાંચો: પિતાએ કાર ન અપાવી તો પુત્રએ ગ્રાઇન્ડરથી ગળું કાપી હત્યા કરી, ગુજરાતના ભરૂચમાંથી ધરપકડ
આ પણ વાંચો: પરવિંદર સિંહ જોટા હત્યા કેસ: CM માનની CBI તપાસની જાહેરાત
આ પણ વાંચો: રામગઢમાં જમીનના વિવાદમાં નાના ભાઈની હત્યા, મોટા ભાઈની ધરપકડ
