Bollywood News: રણબીર કપૂરની ફિલ્મ ‘રામાયણ’ રિલીઝ થતાં જ તેની ચર્ચા શરૂ થઈ ગઈ છે. આ દરમિયાન ટીવીના લોકપ્રિય ધારાવાહિક ‘રામાયણ’માં લક્ષ્મણની ભૂમિકા ભજવનાર (Lakshman Actor) સુનીલ લહરી (Sunil Lahri)એ ફિલ્મનાં ગીતો અંગે નારાજગી વ્યક્ત કરી છે. તેમણે નિર્દેશક નિતેશ તિવારી અને ફિલ્મની ટીમની મહેનતની પ્રશંસા કરી, પરંતુ સંગીતમાં અયોધ્યાનો સ્થાનિક લોકરંગ ન હોવાની વાત કહી છે.
Sunil Lahri: ‘ફિલ્મ જોઈ નથી, પરંતુ સંગીત અંગે મારો અભિપ્રાય છે’
સુનીલ લહરીએ સોશિયલ મીડિયા પર વીડિયો શેર કરીને ફિલ્મ અંગે પોતાની વાત રજૂ કરી હતી. તેમણે જણાવ્યું કે હજુ સુધી તેમણે ફિલ્મ જોઈ નથી અને તેઓ પોતાને રામાયણના મહાકાવ્યના સંશોધક કે નિષ્ણાત પણ માનતા નથી. તેથી ફિલ્મ અંગે સંપૂર્ણ અભિપ્રાય આપવો યોગ્ય નથી.
જોકે, તેમણે કહ્યું કે રામાયણ માત્ર ભારતનું મહાકાવ્ય નથી, પરંતુ સમગ્ર માનવતા સાથે જોડાયેલી સંસ્કૃતિ, સંસ્કાર અને વિશ્વાસની ધરોહર છે. આ વારસાનું જતન કરવું સૌની જવાબદારી છે.
નિતેશ તિવારીની પ્રશંસા, ગીતોના સંગીતથી નિરાશા
સુનીલ લહરીએ નિતેશ તિવારી (Nitesh Tiwari)ને ઉમદા નિર્દેશક ગણાવ્યા હતા. તેમણે કહ્યું કે નિર્દેશક અને ફિલ્મની સમગ્ર ટીમે આ મહાકાવ્યને પડદા પર રજૂ કરવા માટે સારી મહેનત કરી હશે.
જોકે, ફિલ્મનાં અત્યાર સુધી સાંભળેલાં ગીતોમાંથી કેટલાંકનું સંગીત તેમને પસંદ આવ્યું નથી (Ramayana Movie Songs). તેમના મતે, રામાયણ જેવા મહાકાવ્યમાં સંગીતની ભૂમિકા ખૂબ મહત્ત્વની હોય છે અને તે ફિલ્મનો મજબૂત આધાર છે. સંગીતમાં અયોધ્યાનો સ્થાનિક લોકરંગ હોવો જોઈતો હતો. તેમણે આ વાત એક શ્રોતા તરીકેનો પોતાનો અંગત અભિપ્રાય ગણાવ્યો હતો.
ફિલ્મની સફળતા માટે કરી પ્રાર્થના
સુનીલ લહરીએ પોતાની વાતના અંતે ફિલ્મના કલાકારો અને નિર્માતાઓને શુભેચ્છા પાઠવી હતી. તેમણે ફિલ્મ સફળ થાય તેવી પ્રાર્થના પણ કરી હતી. તેમના મતે, ફિલ્મની સફળતા જરૂરી છે, કારણ કે તેની સાથે અનેક લોકોની રોજીરોટી જોડાયેલી છે.
આ પણ વાંચો: પાકિસ્તાનમાં પણ ‘રામાયણ’નો ક્રેઝ! કરાચીના મંદિરમાં પોસ્ટર લગાવી લોકોએ કરી પ્રાર્થના!
આ પણ વાંચો: ‘રામાયણ’ના ‘મંગલ રંગ’ ગીત પર ટ્રોલિંગ, એ. આર. રહેમાને કહ્યું- ફીડબેક જોવાની ઊર્જા નથી
આ પણ વાંચો: રણબીર કપૂરની ‘રામાયણ’ને લઈને મોટા સમાચાર, 5 નવેમ્બરે રિલીઝની ચર્ચા
