Ahmedabad News: અમદાવાદના એસ.પી. રિંગ રોડ પર હાથીજણ સર્કલ નજીક ટ્રકની અડફેટે (Hathijan Circle Accident) આવતાં 22 વર્ષીય પરિણીતા દિશા ભાવસારનું મોત થયું છે. વટવા ડી-માર્ટથી બાપુનગર સ્થિત સાસરીમાં જતી વખતે ભારત પેટ્રોલ પંપ સામે પૂરઝડપે આવેલા ટ્રકે તેમના TVS જ્યુપિટર સ્કૂટરને ટક્કર મારી હતી. ટક્કરથી રોડ પર પટકાયેલી દિશા પર ટ્રકનું વ્હીલ ફરી વળતાં તેમને ગંભીર ઇજાઓ (Truck Accident) પહોંચી હતી. સારવાર માટે સિવિલ હોસ્પિટલ લઈ જવાતાં તબીબોએ તેમને મૃત જાહેર કર્યાં હતાં. અકસ્માત બાદ ટ્રકચાલક વાહન સાથે ફરાર થઈ ગયો હતો.

Hathijan Circle Accident: વટવાથી બાપુનગર જતી વખતે અકસ્માત

મળતી માહિતી મુજબ, ન્યૂ વટવા વિસ્તારમાં રહેતા અને ખાનગી કંપનીમાં નોકરી કરતા ઋષભ ભાવસારની બહેન દિશા ભાવસાર 4 નવેમ્બરની સાંજે TVS જ્યુપિટર સ્કૂટર લઈને વટવા ડી-માર્ટથી બાપુનગરના હીરાવાડી વિસ્તારમાં આવેલી સાસરી તરફ જઈ રહ્યાં હતાં. આ દરમિયાન એસ.પી. રિંગ રોડ પર હાથીજણ સર્કલ નજીક ભારત પેટ્રોલ પંપ સામે પાછળથી આવેલા ટ્રકે તેમના સ્કૂટરને ટક્કર મારી હતી.

ટક્કર બાદ રોડ પર પટકાતાં ગંભીર ઇજાઓ થઈ

ટ્રકની ટક્કરથી દિશા રસ્તા પર પટકાયાં હતાં. આ દરમિયાન ટ્રકનું વ્હીલ તેમના શરીર પરથી ફરી વળતાં તેઓ ગંભીર રીતે ઇજાગ્રસ્ત થયાં હતાં. અકસ્માત જોઈને આસપાસના લોકો અને વાહનચાલકો મદદ માટે દોડી આવ્યા હતા. પરિવારજનોને જાણ કરવામાં આવ્યા બાદ તેમને 108 એમ્બ્યુલન્સ મારફતે સિવિલ હોસ્પિટલ લઈ જવાયાં હતાં. જોકે, હોસ્પિટલમાં ફરજ પરના તબીબોએ તપાસ બાદ તેમને મૃત જાહેર (Disha Bhavsar Death) કર્યાં હતાં.

ફરાર ટ્રકચાલકની શોધખોળ શરૂ

દિશાના મોતના સમાચારથી પરિવાર પર શોકની લાગણી છવાઈ ગઈ છે. આ મામલે મૃતકના ભાઈ ઋષભ ભાવસારે ‘J’ ડિવિઝન ટ્રાફિક પોલીસ સ્ટેશનમાં અજાણ્યા ટ્રકચાલક વિરુદ્ધ ફરિયાદ નોંધાવી છે. પોલીસે બેદરકારીપૂર્વક વાહન ચલાવી અકસ્માત સર્જવા અંગે ગુનો નોંધી તપાસ શરૂ કરી છે. ભારત પેટ્રોલ પંપ અને એસ.પી. રિંગ રોડ પરના CCTV ફૂટેજના આધારે ફરાર ટ્રકચાલકને શોધવાના પ્રયાસ (Ahmedabad Hit and Run) હાથ ધરવામાં આવ્યા છે.

આ પણ વાંચો: ઉત્તરકાશીમાં ગુજરાતના પટેલ પરિવારને નડ્યો અકસ્માત, ઈનોવા કાર નદીમાં ખાબકતાં 4નાં મોત, બે મહિલા ગુમ

આ પણ વાંચો: અમદાવાદ ફોર્ચ્યુનર અકસ્માતમાં નવો ખુલાસો: વિરલ સાથે કારમાં મિત્ર પણ હતો, અકસ્માત બાદ ભાગ્યો

આ પણ વાંચો: રાજકોટના બેડી ચોકડી પાસે એકસાથે છ ટ્રકો વચ્ચે સર્જાયો અકસ્માત, અફરાતફરીનો માહોલ, વિસ્તારમાં ચકચાર