Uttar Pradesh News: ઉત્તર પ્રદેશના મુખ્યમંત્રી યોગી આદિત્યનાથની માતા સાવિત્રી દેવીના નિધન બાદ વડાપ્રધાન નરેન્દ્ર મોદીએ તેમની સાથે ફોન પર વાત કરી હતી. (PM Modi) એ સાવિત્રી દેવીના નિધન પર શોક વ્યક્ત કરીને મુખ્યમંત્રી યોગી આદિત્યનાથ અને તેમના પરિવાર પ્રત્યે પોતાની સંવેદના વ્યક્ત કરી હતી.
સાવિત્રી દેવીનું શુક્રવારે ઉત્તરાખંડના પૌડી ગઢવાલ જિલ્લામાં આવેલા તેમના પૈતૃક ગામ પંચૂરમાં 91 વર્ષની વયે નિધન થયું હતું. તેમના નિધનના સમાચાર સામે આવ્યા બાદ રાજકીય ક્ષેત્રના અનેક નેતાઓએ યોગી આદિત્યનાથ પ્રત્યે સંવેદના વ્યક્ત કરી હતી.
PM Modiએ યોગી આદિત્યનાથ સાથે ફોન પર કરી વાત

PM Modi એ સત્તાવાર સૂત્રોના જણાવ્યા અનુસાર, મુખ્યમંત્રી યોગી આદિત્યનાથ સાથે ફોન પર વાત કરી હતી. આ દરમિયાન તેમણે યોગી આદિત્યનાથની માતા સાવિત્રી દેવીના નિધન પર ઊંડું દુઃખ વ્યક્ત કર્યું હતું. વડાપ્રધાન મોદીએ શોકગ્રસ્ત પરિવાર પ્રત્યે પોતાની સંવેદના વ્યક્ત કરી અને આ મુશ્કેલ સમયમાં પરિવારને આ દુઃખ સહન કરવાની શક્તિ મળે તેવી પ્રાર્થના કરી હતી.
યોગી આદિત્યનાથની માતા સાવિત્રી દેવીના નિધનના સમાચાર બાદ તેમના પૈતૃક ગામ પંચૂરમાં પણ શોકનો માહોલ છે. પરિવારજનો, સ્થાનિક લોકો અને નજીકના સગાં-સંબંધીઓ મોટી સંખ્યામાં એકત્ર થઈ રહ્યા છે. સાવિત્રી દેવીના નિધનથી સમગ્ર ગામમાં શોકની લાગણી છવાઈ ગઈ છે.
અમિત શાહે પણ વ્યક્ત કર્યો શોક
उत्तर प्रदेश के मुख्यमंत्री योगी आदित्यनाथ जी की माताजी श्रीमती सावित्री देवी जी का निधन अत्यंत दुःखद है। माँ का जाना जीवन की वह क्षति है, जिसकी भरपाई कभी संभव नहीं होती। दुःख की इस घड़ी में मेरी संवेदनाएँ योगी जी और समस्त शोक संतप्त परिवार के साथ हैं। ईश्वर से प्रार्थना है कि वे दिवंगत आत्मा को अपने श्रीचरणों में स्थान दें और शोकाकुल परिजनों को यह अपार दुःख सहने की शक्ति प्रदान करें।
ॐ शांति शांति शांति— Amit Shah (@AmitShah) November 20, 2026
કેન્દ્રીય ગૃહમંત્રી અમિત શાહ (Amit Shah) પણ સાવિત્રી દેવીના નિધન પર ઊંડું દુઃખ વ્યક્ત કર્યું હતું. તેમણે સોશિયલ મીડિયા પર પોસ્ટ કરીને કહ્યું કે માતાનું નિધન જીવનની એવી અપૂરણીય ખોટ છે, જે ક્યારેય પૂરી થઈ શકતી નથી.
અમિત શાહે યોગી આદિત્યનાથ અને સમગ્ર શોકગ્રસ્ત પરિવાર પ્રત્યે હૃદયપૂર્વકની સંવેદના વ્યક્ત કરી હતી. તેમણે દિવંગત આત્માને શાંતિ મળે અને પરિવારજનોને આ અતિ મુશ્કેલ સમયમાંથી પસાર થવાની શક્તિ મળે તેવી પ્રાર્થના કરી હતી.

રાજનાથ સિંહ સહિત અન્ય નેતાઓએ પણ આપી શ્રદ્ધાંજલિ
રક્ષામંત્રી રાજનાથ સિંહે પણ સાવિત્રી દેવીના નિધન પર શોક વ્યક્ત કર્યો હતો. તેમણે કહ્યું હતું કે માતાનું નિધન જીવનના સૌથી અસહ્ય આઘાતોમાંથી એક છે. તેમણે યોગી આદિત્યનાથ અને તેમના પરિવાર પ્રત્યે સંવેદના વ્યક્ત કરી હતી.
ઉત્તરાખંડના મુખ્યમંત્રી પુષ્કર સિંહ ધામીએ પણ સાવિત્રી દેવીના નિધનને અત્યંત દુઃખદ અને હૃદયવિદારક ગણાવ્યું હતું. તેમણે કહ્યું હતું કે આ પરિવાર માટે અપૂરણીય ક્ષતિ છે. તેમણે શોકગ્રસ્ત પરિવારને આ દુઃખ સહન કરવાની શક્તિ મળે તેવી પ્રાર્થના કરી હતી.
ઉત્તર પ્રદેશના નાયબ મુખ્યમંત્રી કેશવ પ્રસાદ મૌર્ય અને બ્રજેશ પાઠક તેમજ યુપી ભાજપ (BPJ) અધ્યક્ષ પંકજ ચૌધરી સહિત અન્ય નેતાઓએ પણ સાવિત્રી દેવીના નિધન પર શોક વ્યક્ત કર્યો હતો.
વિપક્ષના નેતાઓએ પણ વ્યક્ત કરી સંવેદના
સાવિત્રી દેવીના નિધન પર વિપક્ષના નેતાઓએ પણ શોક વ્યક્ત કર્યો હતો. સમાજવાદી પાર્ટીના વડા અખિલેશ યાદવે યોગી આદિત્યનાથની માતાના નિધનને અત્યંત દુઃખદ ગણાવીને શ્રદ્ધાંજલિ આપી હતી.
બસપા સુપ્રીમો માયાવતીએ પણ સાવિત્રી દેવીના નિધન પર ઊંડી સંવેદના વ્યક્ત કરી હતી. તેમણે યોગી આદિત્યનાથ અને તેમના પરિવારજનો પ્રત્યે શોક વ્યક્ત કર્યો હતો.
ભીમ આર્મીના વડા ચંદ્રશેખર આઝાદે પણ સાવિત્રી દેવીના નિધનને દુઃખદ અને હૃદયવિદારક ગણાવ્યું હતું. તેમણે આ મુશ્કેલ સમયમાં મુખ્યમંત્રી યોગી આદિત્યનાથ અને તેમના સમગ્ર પરિવાર પ્રત્યે પોતાની સંવેદના વ્યક્ત કરી હતી.
પંચૂર ગામમાં શોકનો માહોલ
સાવિત્રી દેવીના નિધન બાદ તેમના પૈતૃક ગામ પંચૂરમાં શોકનો માહોલ છે. પરિવારજનો અને સ્થાનિક લોકો તેમના અંતિમ દર્શન માટે એકત્ર થઈ રહ્યા છે. સાવિત્રી દેવીના નિધનના સમાચાર બાદ ઉત્તરાખંડથી લઈને ઉત્તર પ્રદેશ સુધીના રાજકીય અને સામાજિક ક્ષેત્રોમાંથી શોક સંદેશાઓ આવી રહ્યા છે.
યોગી આદિત્યનાથનો પંચૂર ગામ સાથે ખાસ સંબંધ રહ્યો છે. તેમના પરિવારની મૂળ વતન સાથેની જોડાણને કારણે સાવિત્રી દેવીના નિધન બાદ ગામમાં પણ ભારે શોકની લાગણી જોવા મળી રહી છે.
