Surat News/ જહાંગીરપુરા-સરોલી કેનાલમાં માછલીઓના મોતથી રહીશોમાં નારાજગી, જવાબદારો સામે કાર્યવાહીની માગ

સુરતના જહાંગીરપુરા-સરોલી કેનાલ રોડ પરની નહેરમાં મોટી સંખ્યામાં માછલીઓ મૃત મળી (Surat Canal Fish Death). સ્થાનિકોએ પાઇપ મારફતે દૂષિત પાણી છોડાયાની આશંકા વ્યક્ત કરી.

Gujarat Surat Breaking News
Canal Fish Death

Surat News: સુરતમાં જહાંગીરપુરા-સરોલી કેનાલ રોડ પરની નહેરમાં માછલીઓના મોત (Canal Fish Death)ની ઘટનાથી ચકચાર મચી ગઈ છે. કેનાલના પાણીમાં નાની-મોટી અસંખ્ય માછલીઓ મૃત હાલતમાં તરતી જોવા મળતાં આસપાસના રહીશો અને રાહદારીઓમાં રોષ છે. સ્થાનિકોની આશંકા છે કે કોઈ અજાણ્યા તત્વોએ પાઇપ મારફતે કાળા રંગનું દૂષિત પાણી કેનાલમાં છોડ્યું હતું.

Canal Fish Death :વીડિયો વાયરલ થતાં મામલો સામે આવ્યો

સ્થાનિક જાગૃત નાગરિકોએ મોબાઇલમાં વીડિયો ઉતારી સોશિયલ મીડિયા પર વાયરલ કર્યા છે. એક વીડિયોમાં કેનાલની સપાટી પર મૃત માછલીઓ તરતી દેખાય છે. અન્ય એક વીડિયોમાં કેનાલ બાજુની પાઇપમાંથી કાળા રંગનું પાણી નહેરમાં ઠલવાતું કેદ થયું હોવાનો દાવો છે. આ વીડિયોની પ્રમાણિકતા તપાસનો વિષય છે.

પર્યાવરણને નુકસાન, કડક કાર્યવાહીની માગ

સ્થાનિકોનો આક્ષેપ છે કે દૂષિત પાણી (Water Pollution)ને કારણે જળચર જીવોનો ભોગ લેવાયો છે અને પર્યાવરણને મોટું નુકસાન થયું છે. લોકોએ જવાબદારો સામે કડક કાર્યવાહીની માંગ કરી છે.

GPCB અને સિંચાઇ વિભાગની સંયુક્ત તપાસ

ઘટનાની ગંભીરતા જોતાં ગુજરાત પોલ્યુશન કંટ્રોલ બોર્ડ (GPCB) અને સિંચાઇ વિભાગ (Irrigation Department)ના અધિકારીઓએ સંયુક્ત તપાસ શરૂ કરી છે. અધિકારીઓ કેનાલના પાણીના સેમ્પલ લઈ રહ્યા છે.

પાઇપલાઇનના સ્રોતની તપાસ

જહાંગીરપુરા-સરોલી કેનાલ રોડ (Jahangirpura Saroli Canal Road) પર દૂષિત પાણી છોડતી પાઇપલાઇન ક્યાંથી આવે છે, તે દિશામાં તપાસ ચાલી રહી છે, જેથી જવાબદાર તત્વો સામે કાયદેસરના પગલાં લઈ શકાય.


આ પણ વાંચો: વડોદરાના સુરસાગરમાં માછલીઓનાં મોત, દુર્ગંધથી લોકો પરેશાન

આ પણ વાંચો: આંકલાવ રાજોડપુરા તલાવડીમાં માછલીઓના મોત, કેમિકલ કે ઝેરી દવા નાખ્યાની આશંકા

આ પણ વાંચો: અંકલેશ્વરમાં કંપનીઓ દ્વારા કેમિકલયુક્ત પાણી છોડાતા અસંખ્ય માછલીના મોત