મુંબઈ
અભિનેત્રી ભૂમિ પેડનેકરે તાજેતરમાં જ સુશાંતસિંહ રાજપૂત સાથેની પોતાની અભિષેક ચૌબેની ફિલ્મ સોન ચીરૈયામાં પોતાના ભાગનુ શુટિંગ પૂરુ કર્યુ છે. આ ફિલ્મમાં ભૂમિ 70ના દાયકાની ચંબલના ડાકુની ભૂમિકામાં જોવા મળશે. ભૂમિના જણાવ્યા મુજબ, તેના કેરેક્ટર અને સમયની પરિસ્થિતિ પર નજર નાખવામાં આવે તો પાત્ર બોલ્ડ હોવા છતા ખૂબ જ સંવેદનશીલ છે.
આ ફિલ્મમાં ભૂમિ પેડનકરે ખૂબ જ ઓછા મેક અપમાં લાંબી બાયોના બ્લાઉઝ અને સિમ્પલ સાડીમાં નજરે પડશે. આ ઉપરાંત ડકૈત હોવાના કારણે તેના ખભા પર બંદૂક પણ હશે.
ફિલ્મમાં સુશાંતસિંહ રાજપુત પણ એક ડાકુની ભૂમિકામાં નજરે પડશે. રોની સ્ક્રુવાલાના પ્રોડક્શનમાં બની રહેલ આ ફિલ્મમાં મનોજ વાજપેયી પણ નજરે પડશે. ભૂમિના જણાવ્યા મુજબ ફિલ્મની ટીમ છેલ્લા 3 મહિનાથી ચંબલમાં શુટિંગ કરી રહી હતી. ફિલ્મમાં પોતાના પાત્રની તૈયારી માટે ભૂમિએ બુલેદખંડની બોલી શીખવા ખૂબ જ મહેનત કરી હતી. સાથે જ તેણે સ્થાનિક ગામમાં રહીને ત્યાંની મહિલાઓના જીવનની રીત ભાતો પણ શીખી હતી.
