ન્યૂયોર્ક
અમેરિકાના સૌથી મોટા શહેર ન્યૂયોર્ક નજીક એક કાર અકસ્માતમાં એક દંપતિ સહિત 20 લોકોના મોત થયા છે.
સુત્રોના જણાવ્યા પ્રમાણે આ એકસીડન્ટમાં એક લિમોઝિન કારમાં સવારી કરી રહેલા તમામ લોકો મૃત્યુ પામ્યા હતા. આ અકસ્માત ન્યૂયોર્ક શહેરથી આશરે 270 કિમી દૂર થયો છે.
એકસાથે ૨૦ લોકોના મૃત્યુને લીધે આ અકસ્માત સૌથી ભયંકર એકસીડન્ટ માનવામાં આવી રહ્યો છે. દુઃખની વાત તો એ છે કે મૃત્યુ પામનાર તમામ લોકો બર્થડે પાર્ટી મનાવવા જઈ રહ્યા હતા.
આ લિમોઝિન કાર રસ્તા પર ચાલતા લોકોને કચડીને એસયુવી સાથે અથડાઈ હતી. આ અકસ્માતમાં રસ્તા પર ચાલતા લોકોનું પણ મૃત્યુ થયું હતું.
પોલીસના જણાવ્યા પ્રમાણે વિરુદ્ધ દિશામાં આવતી બે ગાડીની ટક્કરના લીધે અકસ્માત સર્જાયો હતો.
