નવી દિલ્હી,
દેશની સરકારી ક્ષેત્રની સૌથી મોટી બેંક સ્ટેટ બેંક ઓફ ઇન્ડિયા દ્વારા યોનો એપ જાહેર કરવામાં આવી છે. આ એપની મદદથી તમે બેલેન્સ ચેકથી લઈ શોપિંગ કરવા સુધીના ઘણા બધા કામ કરી શકો છો, પરંતુ બેંક દ્વારા આ એપની ૨ સેવાઓને હાલ પુરતી બંધ કરવામાં આવી છે.
ભારતીય સ્ટેટ બેંક દ્વારા પોતે આ સેવાઓ પર રોક લગાવી છે. SBI દ્વારા કહેવામાં આવ્યું છે કે, હવે તમે યોનો એપની મદદથી ડિજિટલ સેવિંગ એકાઉન્ટ અને ઈન્સ્ટા સેવિંગ એકાઉન્ટ ખોલી શકશો નહિ.
હકીકતમાં, સુપ્રીમ કોર્ટ દ્વારા આધાર કાર્ડની જરૂરિયાતને લઈ ગત મહિને મહત્વનો ચુકાદો આપવામાં આવ્યો હતો, જેમાં બેંકના ખાતાઓ સાથે આધાર કાર્ડને લિંક કરવા માટેની જરૂરિયાતને ખત્મ કરી દીધું હતું.
SBI દ્વારા યોનો એપની ઓફિશિયલ વેબસાઈટ પર આ જાણકારી આપી હતી. જેમાં જણાવવામાં આવ્યું હતું કે, જો તમે ઈન્સ્ટા સેવિંગ એકાઉન્ટ ખોલવા માંગો છો તોન આ માટે તમારે બેન્કની શાખામાં જવું પડશે.
SBIના જણાવ્યા અનુસાર, “હાલમાં જ સુપ્રીમ કોર્ટ દ્વારા આધાર અંગે આપવામાં આવેલા ચુકાદા બાદ આ બે સુવિધા હાલ પુરતી બંધ કરવામાં આવી છે.
