રાજકોટ,
શહેરમાં ટ્રાફિક બ્રિગેડના જવાનોની બેદરકારી તેમજ દાદાગીરીના વિડીયો અગાઉ અનેકવાર સામે આવી ચુક્યા છે. ત્યારે હાલ ટ્રાફિક બ્રિગેડનો જવાન લાંચ લેતો હોવાનો વિડીયો સોશિયલ મિડિયામાં વાઈરલ થયો છે.
આ વિડિયો રાજકોટ શહેરના માલવીયા ચોક વિસ્તારનો હોવાનું જાણવા મળી રહ્યું છે. આ વિડિયોમાં ટ્રાફિક બ્રિગેડનો જવાન એક્ટિવા પર બેઠો છે. જ્યાં એક યુવાન પાસે આવીને તેને લાંચની રકમ આપે છે. હાલ પોલીસે આ વિડીયોને લઈને તેમજ ખરેખર આ વિડિયોમાં કેટલી સચ્ચાઈ છે, તે જાણવા માટે તપાસ હાથ ધરી છે.
