વડાપ્રધાન નરેન્દ્ર મોદીની બાયોપિક ફિલ્મની રિલીઝ પર રોક લગાવ્યા બાદ ચૂંટણી પંચે હવે નરેન્દ્ર મોદીના જીવન પર આધારિત વેબ સીરિઝ Modi-Journey of a Common Man પર પણ પ્રતિબંધ ફરમાવ્યો છે. શનિવારે ચૂંટણી પંચે એક આદેશમાં ઇરોઝ નાઉને તેના દરેક મીડિયમમાંથી વેબ સીરિઝના એપિસોડ્સનું સ્ટ્રીમિંગ બંધ કરવાનું કહ્યું છે.
Election Commission to Eros Now: It was brought to our notice that a web series "Modi-Journey of a Common Man, having 5 episodes is available on your platform. You're directed to stop forthwith the online streaming & remove all connected content of the series till further orders pic.twitter.com/ofs0neJMc3
— ANI (@ANI) April 20, 2019
જણાવી દઇએ કે વિવેક ઓબેરોય સ્ટારર વડાપ્રધાન નરેન્દ્ર મોદીની બાયોપિક પીએમ નરેન્દ્ર મોદીની રિલીઝ પર ચૂંટણી પંચે ફિલ્મ રિલીઝના એક દિવસ પહેલા જ પ્રતિબંધ ફરમાવ્યો હતો. ફિલ્મ પહેલા 12 એપ્રિલના રોજ સિનેમાઘરોમાં રિલીઝ થવાની હતી. આ ફિલ્મ આચારસંહિતાનું ઉલ્લંઘન કરી રહી છે તેવો આરોપ હતો. ફિલ્મ પર પ્રતિબંધ બાદ હવે વેબ સીરિઝ પર પણ રોક લગાવાઇ છે. એએનઆઇએ ટ્વિટના માધ્યમથી આ જાણકારી આપી હતી.
નોંધનીય છે કે ચૂંટણીપંચે આ પ્રકારની કોઇપણ રાજનૈતિક ફિલ્મ પર રોક લગાવી છે. જો કે મોદીની બાયોપિકનો મામલો ઇલેકશન કમિશનમાં અટક્યો છે. સુપ્રીમ કોર્ટે આદેશમાં ચૂંટણી પંચ પાસેથી બાયોપિકને લઇને 19 એપ્રિલ સુધી રિપોર્ટ માંગ્યો હતો પરંતુ ગુડ ફ્રાઇડેની રજા હોવાથી હવે સુપ્રીમકોર્ટ 22 એપ્રિલના રોજ આ મામલે સુનાવણી કરશે.
પીએમ મોદી પર બનનારી વેબ સીરિઝના પાંચ એપિસોડ સ્ટ્રીમ થઇ ચૂક્યા છે. ચૂંટણી પર તેની રિલીઝને ડાયરેકટરે એક માત્ર સંયોગ કહ્યું છે. સીરિઝ પર 11 મહિનાથી કામ ચાલતું હતું. પરંતુ ટેકનિકલ સમસ્યાઓને કારણે સ્ટ્રીમિંગમાં સમય લાગ્યો હતો.
