શુક્રવારે, સંરક્ષણ પ્રધાન રાજનાથસિંહે પાકિસ્તાનની સરહદ પારથી ચાલી રહેલી સતત બેફામ ફાયરીંગ અને ઘુસણખોરીની પ્રવૃત્તિઓ પર મોટી ચેતવણી આપી હતી. સિંહ દ્વારા એવું કહેવામાં આવ્યું હતું કે ભારત પરિસ્થિતિ અનુસાર પરમાણુ શસ્ત્રો અંગેની પોતાની નીતિ બદલી શકે છે. હવે પાકિસ્તાનનાં વિદેશ પ્રધાન અને ત્યાંની સેનાએ રાજનાથ સિંહનાં નિવેદન પર પ્રતિક્રિયા આપી છે.

પાકિસ્તાનના વિદેશ પ્રધાન શાહ મહેમૂદ કુરેશીએ કહ્યું કે પીએમ નરેન્દ્ર મોદીએ નહેરુનાં ભારતને બરબાદ કરી દીધું છે. ભારતની નીતિ ‘ડોવલ સિદ્ધાંત’ની આસપાસ ફરે છે. પાકિસ્તાની સેનાના મેજર જનરલ આસિફ ગફૂરે કહ્યું કે ગઈકાલે રાજનાથસિંહે નિવેદન આપ્યું હતું. અમારું માનવું છે કે પરંપરાગત યુદ્ધ માટે કોઈ સ્થાન નથી. પરંતુ ભારત જે રીતે આગળ વધી રહ્યું છે, આપણે પણ વિકલ્પને અવગણી શકીએ નહીં. મેજર જનરલ આસિફ ગફૂરે કહ્યું, “કાશ્મીર એક પરમાણુ બિંદુ છે. અને વિશ્વએ ભારતના સંરક્ષણ પ્રધાન દ્વારા પરમાણુ હથિયારોના ઉપયોગ અંગે આપેલા નિવેદને જોવાની જરૂર છે.”