કથક સમ્રાટ તરીકે જાણીતા પંડિત બિરજુ મહારાજનું આજે હાર્ટ એટેકના કારણે નિધન થયું છે. દિગ્ગજ નૃત્યાંગનાના અવસાનથી કલા જગતમાં શોકનું મોજુ ફરી વળ્યું છે. બિરજુ મહારાજના યોગદાનને યાદ કરીને દરેક લોકો તેમને શ્રદ્ધાંજલિ આપી રહ્યા છે. રાષ્ટ્રપતિ રામ નાથ કોવિંદે સોમવારે કહ્યું કે પીઢ કથક નૃત્યાંગના પંડિત બિરજુ મહારાજનું અવસાન એક યુગનો અંત છે અને તેમના પરિવાર અને ચાહકો પ્રત્યે સંવેદના વ્યક્ત કરી છે.
આ પણ વાંચો :લતા મંગેશકરના સારા સ્વાસ્થ્ય ઘરમાં થઈ રહી છે શિવની પૂજા, બહેન આશા ભોંસલેએ લોકોને કરી આ અપીલ
તેમણે કહ્યું કે મહારાજના અવસાનથી ભારતીય સંગીત અને સાંસ્કૃતિક જગતમાં એક વિશાળ ખાલીપો પડી ગયો છે. બિરજુ મહારાજનું સોમવારે વહેલી સવારે અહીં તેમના ઘરે અવસાન થયું હતું.
The demise of legendary Pandit Birju Maharaj marks the end of an era. It leaves a deep void in the Indian music and cultural space. He became an icon, making unparalleled contribution to popularise Kathak globally. Condolences to his family and admirers.
— President of India (@rashtrapatibhvn) January 17, 2022
કોવિંદે ટ્વીટ કર્યું, “પીઢ પંડિત બિરજુ મહારાજનું નિધન એક યુગનો અંત દર્શાવે છે. તેમણે ભારતીય સંગીત અને સાંસ્કૃતિક ક્ષેત્રે એક વિશાળ શૂન્યતા છોડી દીધી છે. તેઓ એક આઇકોન બની ગયા હતા, જેમણે વૈશ્વિક સ્તરે કથકને લોકપ્રિય બનાવવામાં ખૂબ જ યોગદાન આપ્યું હતું. તેમના પરિવાર અને ચાહકો પ્રત્યે સંવેદના.”
આ પણ વાંચો :જંગલી પ્રાણીઓ જોવા રણથંભોર પહોંચ્યો અક્ષય કુમાર, દીકરી નિતારા સાથે ગાયને ખવડાવ્યો ચારો
આપને જણાવી દઈએ કે, પંડિત બિરજુ મહારાજને થોડા દિવસો પહેલા કિડનીની બીમારી હોવાનું નિદાન થયું હતું. તેઓ ડાયાલિસિસ પર જતાં રહ્યા હતા પરંતુ ગઈકાલે રાત્રે અચાનક તેમની તબિયત લથડી અને તેમનું અવસાન થયું.
પંડિત બિરજુ મહારાજનો પણ બનારસ સાથે સંબંધ હતો. તેમનું સાસરૂ બનારસ હતું. અલાહાબાદના હાંડિયા તહસીલ, જે પહેલા બનારસ આવતી હતી, તેમનો પરિવાર ત્યાંનો હતો, જેઓ પાછળથી લખનઉ રહેવા ગયા. તે જ સમયે, લખનઉ ઘરાનાની રચના થઈ. તેઓ આ ઘરાના અગ્રણી નૃત્યાંગના હતા. આ સિવાય તેઓ કવિ, કોરિયોગ્રાફર અને શાસ્ત્રીય ગાયક પણ હતા. મહારાજ જીના પિતા અને ગુરુ અચ્છન મહારાજ, કાકા શંભુ મહારાજ અને લચ્છુ મહારાજ પણ પ્રખ્યાત કથક નર્તકો હતા.
આ પણ વાંચો : ‘કહો ના પ્યાર હૈ’ ગીત લખનાર ગીતકાર ઇબ્રાહિમ અશ્કનું કોરોનાથી મોત
બોલિવૂડ ફિલ્મોમાં તેમના કામ વિશે વાત કરીએ તો, બિરજુ મહારાજે દેવદાસ, દેઢ ઇશ્કિયા, ઉમરાવ જાન અને બાજી રાવ મસ્તાની જેવી ડાન્સ આધારિત ફિલ્મો માટે કોરિયોગ્રાફ કર્યું હતું. બિરજુ મહારાજે સત્યજીત રે દ્વારા નિર્દેશિત પ્રખ્યાત કલ્ટ ક્લાસિક ફિલ્મ ‘શતરંજ કે ખિલાડી’ માટે પણ સંગીત આપ્યું હતું.
આ પણ વાંચો :જાણો, હવે કેવી છે લતા મંગેશકરની તબિયત, સામે આવ્યું મોટું અપડેટ
આ પણ વાંચો :બચ્ચન પાંડેના સેટ પર લાગી આગ, જાણો કેવી છે અક્ષય કુમાર અને કૃતિ સેનનની હાલત
