જમ્મુ-કાશ્મીરમાંથી કલમ 370 પાછો ખેંચ્યા પછી પાકિસ્તાને વિશ્વભરમાં ભારત વિરૂઘ કાગરોળ મચાવી દીધી હતી અને ભારત સાથેનાં તમામ વેપાર સંબંધોને એક ઝટકામાં સમાપ્ત કર્યા. પાકિસ્તાનમાં ભારતીય ચીજોનો બહિષ્કાર કરવાની ઝુંબેશ ચાલી રહી હતી. બંને દેશો વચ્ચે ટ્રેન સેવાઓ બંધ કરી દેવામાં આવી. પાકિસ્તાન નફરતમાં એટલો અંધ બની ગયું કે ભારતીય ફિલ્મો પર પ્રતિબંધ પણ મૂકાયો. ભારતની જાહેરાતો પર પણ પ્રતિબંધ મૂકવામાં આવ્યો.
આંતરરાષ્ટ્રીય મોરચે ભારતની તૈયારીઓ સામે ધ્વસ્ત થયેલું પાકિસ્તાન વેપારનાં મોરચે ભારતને નુકસાન પહોંચાડવાનાં મનમાં સપના લઇને ભારત સાથેનાં તમામ વ્યાપારીક સંબઘોને કાપી નાખ્યા અને વિશ્વ મંચ પર શેખી ઠોકતું ફરવા લાગ્યું હતું, પરંતુ 30 દિવસ વીતતાંની સાથે જ પાકિસ્તાને તેના નિર્ણયની અસરને સમજમાં આવવા લાગી છે. પાકિસ્તાનનાં આ વેપાર પ્રતિબંધોની ભારત પર કોઈ ખાસ અસર પડી ન હતી, પરંતુ પાકિસ્તાનમાં ટ્રાઇડની સ્થિતિ સર્જાઇ ગઇ છે.
આપને જાણાવી દઇએ કે પાકિસ્તાનનો ડ્રગ ઉદ્યોગ હાલમાં પતનની આરે છે. જ્યારે પાકિસ્તાને ભારત સાથેના તેમના વ્યાપારિક સંબંધો સમાપ્ત કર્યા ત્યારે ત્યાંના વેપારીઓને ભારત તરફથી દવાઓ મેળવવાનું પણ બંધ કરવાની ફરજ પડી હતી. થોડા દિવસોમાં જ પાકિસ્તાનની અનેક હોસ્પિટલમાં જીવન બચાવવાની દવાઓની ભારે અછત વર્તાઇ હતી. દવાઓની ગેરહાજરીમાં દર્દીઓએ તકલીફ શરૂ કરી હતી.
પાકિસ્તાનને હવે તેની ભૂલનો અહેસાસ થઈ ગયો છે. લાચાર પાકિસ્તાને હવે ભારતમાંથી દવાઓ લાવવાની મંજૂરી આપી દીધી છે. પાકિસ્તાની ન્યૂઝ ચેનલ જિઓ ટીવી અનુસાર, પાક સરકારે સોમવારે ભારતમાંથી જીવન રક્ષક દવાઓની આયાતને મંજૂરી આપી, જેથી દર્દીઓ રાહત મેળવી શકે.
પાકિસ્તાનના વાણિજ્ય મંત્રાલયે વૈશ્વિક નિયમનકારી આદેશ જારી કર્યો છે કે તેના ફાર્માસ્યુટિકલ ઉદ્યોગને ભારતમાંથી દવા આયાત કરવાની મંજૂરી આપવામાં આવશે. જુલાઇ મહિનામાં પાકિસ્તાને ભારતીય ફાર્માસ્યુટિકલ કંપનીઓ પાસેથી 1 અબજ 36 કરોડની દવાઓ મંગાવી હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
