પહેલી સપ્ટેમ્બરથી નવા વ્હીકલ એક્ટના અમલમાં આવ્યું હોવાથી ઉત્તરપ્રદેશ સહીત દેશના ઘણા રાજ્યોમાં રોજ ભારે ટ્રાફીકના દંડ ફટકારવામાં આવી રહ્યા છે. કારણ કે નવા નિયમ હેઠળ દંડની રકમ ઘણી વધારી દેવામાં આવી છે. આ હોવા છતાં, લોકો નિયમોનું ઉલ્લંઘન કરી રહ્યાં છે. આવી સ્થિતિમાં ટ્રાફિક પોલીસ માટે નવા નિયમોનું પાલન કરવાનું એક પડકાર બની ગયું છે.
આ નવા ટ્રાફિક નિયમોનું પાલન થાય તે માટે પોલીસ વિવિધ પદ્ધતિઓ પણ અપનાવી રહી છે. ક્યાંક નિયમો તોડવા માટે કડક કાર્યવાહી કરવામાં આવી રહી છે તો ક્યાંક ટ્રાફિક પોલીસ પણ લોકોને મનાવવા માટે હાથ જોડીને આજીજી કરી રહી છે. આવો જ એક કિસ્સો ઉત્તરપ્રદેશના ચાંદૌલી જિલ્લામાંથી સામે આવ્યો છે, જ્યાં ટ્રાફિક નિરીક્ષકે ટ્રાફિક નિયમોના ભંગ કરનાર સામે હાથ જોડ્યા હતા.
ચાંદૌલીના દીનદયાળ નગરના ચકિયા તિરહે ટ્રાફિક ઇસ્પેક્ટર સુબોધકુમાર તોમર તેની ટીમ સાથે તપાસ કરી રહ્યા હતા. તે જ સમયે, તે સામેથી આવતી મોપેડ પર 4 લોકો બેઠાળ જોવા મળ્યા હતા. બાઇક મોપેડ પર એક બાળક, ડ્રાઇવર અને અન્ય બે મુસાફરો બેઠા હતા. પરંતુ કોઈની પાસે હેલ્મેટ નહોતું.
આ જોઈને ટ્રાફિક ઇસ્પેક્ટર સુબોધકુમાર તોમર ખૂબ જ આશ્ચર્યચકિત થઈ ગયા અને મોપેડ સવારો સામે ઉભા થયા. ત્યારબાદ ટ્રાઇફિક ઇસ્પેક્ટરે આ લોકોને નવા ટ્રાફિક નિયમો અને માર્ગ સલામતી વિશે જણાવ્યું હતું. તેમજ નિયમોનું વધુ પાલન કરવાની વિનંતી કરી છે.
ટ્રાફિક ઇસ્પેક્ટર સુબોધકુમાર તોમારે જણાવ્યું હતું કે, લોકો નવા નિયમોથી વાકેફ છે અને નિયમો ભંગ કરનારાઓ પર દંડ પણ લગાવવામાં આવી રહ્યો છે. તેમણે કહ્યું કે ટ્રાફિક નિયમોનું ઉલ્લંઘન કરનારાઓને પણ પ્રેમથી સમજાવી રહ્યાં છીએ અને તેમની વિરુદ્ધ કાર્યવાહી પણ ચાલી રહી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
