ભાજપના સાંસદ પ્રજ્ઞા સિંહ ઠાકુરે બુધવારે લોકસભામાં એસપીજી સુધારા બિલ પર ચર્ચા દરમિયાન રાષ્ટ્રપિતા મહાત્મા ગાંધીનાં હત્યારા નથુરામ ગોડસેનો ‘દેશભક્ત’ તરીકે ઉલ્લેખ કર્યો હતો, જેના પર કોંગ્રેસનાં સભ્યોએ વિરોધ નોંધાવ્યો હતો. ગૃહમાં, જ્યારે ડીએમકેનાં સભ્ય એ રાજાએ ચર્ચામાં ભાગ લેતા, નકારાત્મક માનસિકતા સાથે ગોડસેનું ઉદાહરણ આપ્યું ત્યારે, પ્રજ્ઞા ઠાકુર પોતાની જગ્યાએ ઉભા થઇ ગયા અને કહ્યું કે ‘દેશભક્તોનાં દાખલા ન આપો’.
Pragya S Thakur: They (Congress) say I'm a terrorist but they are the ones who gave protection to a terrorist. Even after 34 yrs life remains affected. People are still not in the condition to work. Many labourers have demanded for MRS, where they can retire on medical grounds. https://t.co/49kVEbkQtU
— ANI (@ANI) November 27, 2019
કોંગ્રેસનાં ઘણા સભ્યોએ આની સામે વાંધો ઉઠાવ્યો અને આક્ષેપ કર્યો કે તેઓ (પ્રજ્ઞા ઠાકુર) ને વડા પ્રધાનનું સમર્થન છે. આ દરમિયાન સંસદીય કાર્ય મંત્રી પ્રહલાદ જોશી ભોપાલનાં ભાજપનાં સભ્ય પ્રજ્ઞા ઠાકુરની તરફ બેસવાનો ઇસારો કરતા જોવા મળ્યા હતા. લોકસભાનાં અધ્યક્ષ ઓમ બિરલાએ કોંગ્રેસનાં સભ્યોને બેસવાની અપીલ કરી હતી અને કહ્યું હતું કે માત્ર એ.રાજાની વાત રેકોર્ડ પર ચાલી રહી છે. નોંધનીય છે કે પ્રજ્ઞા સિંહ ઠાકુરે ગોડસેને આ પહેલા પણ ‘દેશભક્ત’ ગણાવ્યો છે, જેના આધારે વિવાદ ઉભો થયો હતો.
પ્રજ્ઞા ઠાકુરે લોકસભામાં કહ્યું હતું કે, 1984 ની ભોપાલ દુર્ઘટના વખતે એન્ડરસન (યુનિયન કાર્બાઇડ કોર્પોરેશનનાં પ્રમુખ-સીઈઓ) આતંકવાદી તરીકે ઉભરી આવ્યો હતો. એક વિદેશી અહીં આવે છે અને હજારોને મારી નાખે છે. આ કિસ્સામાં આવા ઘણા છે. જે હજી પણ વેદના ભોગવી રહ્યા છે. તત્કાલીન કોંગ્રેસ સરકારે તેમને બચવામાં મદદ કરી. આ આતંકવાદ છે.
તેમણે વધુમાં કહ્યું કે, કોંગ્રેસ કહે છે કે હું આતંકવાદી છું, પરંતુ તેઓએ જ આતંકવાદીને સુરક્ષા આપી છે. ત્યા 34 વર્ષ પછી પણ જીવન અસરગ્રસ્ત છે. ભોપાલ દુર્ઘટનાથી પીડિત લોકો હજી કાર્યકારી સ્થિતિમાં નથી. ઘણા મજૂરોએ એમઆરએસની માંગ કરી છે, જ્યાં તેઓ તબીબી આધારો પર નિવૃત્ત થઈ શકે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
