Rajkot News: રાજકોટ નજીક આવેલા શાપર-હડમતાળા ઇન્ડસ્ટ્રિયલ એરિયામાં આજે વહેલી સવારથી જ કેન્દ્રીય તપાસ એજન્સી એન્ફોર્સમેન્ટ ડિરેક્ટોરેટ (ED Raid Rajkot) દ્વારા હાથ ધરાયેલા સર્ચ ઓપરેશનને લઈને ભારે ચર્ચા શરૂ થઈ ગઈ છે. એક પ્રતિષ્ઠિત ફાર્માસ્યુટિકલ કંપનીમાં EDના અધિકારીઓએ દસ્તાવેજોની તપાસ અને નાણાકીય વ્યવહારોની સઘન ચકાસણી શરૂ કરતાં ઉદ્યોગ જગત તેમજ રાજકીય વર્તુળોમાં ખળભળાટ મચી ગયો છે.
ED Raid Rajkot: કરોડોના હવાલા કૌભાંડ સાથે જોડાણની શંકા
પ્રાથમિક માહિતી મુજબ આ કાર્યવાહી પાછળ કરોડો રૂપિયાનું આંતરરાષ્ટ્રીય હવાલા કૌભાંડ મુખ્ય કારણ હોવાનું સામે આવી રહ્યું છે. તપાસ એજન્સીને મળેલી માહિતીના આધારે ફાર્મા કંપનીના કેટલાક નાણાકીય વ્યવહારો શંકાસ્પદ હોવાનું જણાયું છે. જેના આધારે દિલ્હી સ્થિત ઇડી (ED Raid Rajkot) હેડક્વાર્ટરના માર્ગદર્શન હેઠળ આ ઓપરેશન હાથ ધરવામાં આવ્યું હોવાનું માનવામાં આવે છે.
ઇડી (ED Raid Rajkot)ની ટીમ દ્વારા કંપનીના ઓફિસ, એકાઉન્ટ્સ વિભાગ તેમજ અન્ય મહત્વના દસ્તાવેજોની વિગતવાર ચકાસણી કરવામાં આવી રહી છે. સાથે જ ડિજિટલ ડેટા અને નાણાકીય ટ્રાન્ઝેક્શનની માહિતી પણ તપાસના ઘેરામાં લેવામાં આવી હોવાનું સૂત્રો જણાવી રહ્યા છે.
રાજકીય કનેક્શનને લઈને ચર્ચા ગરમાઈ
આ સમગ્ર મામલે સ્થાનિક રાજકીય વર્તુળોમાં પણ ભારે ગરમાવો આવ્યો છે. ચર્ચા એવી ચાલી રહી છે કે કંપનીમાં ભાજપના એક પ્રભાવશાળી નેતાના પુત્રની ભાગીદારી હોવાની વિગતો સામે આવી રહી છે. જોકે આ અંગે હજુ સુધી કોઈ સત્તાવાર પુષ્ટિ કરવામાં આવી નથી.તપાસ એજન્સી દ્વારા હાલ તમામ પાસાઓની ગંભીરતાથી તપાસ કરવામાં આવી રહી છે અને હવાલા નેટવર્ક સાથેના સંભવિત કનેક્શનને લઈને અનેક દસ્તાવેજો સ્કેન કરવામાં આવી રહ્યા છે.
સ્થાનિક પોલીસે ED ટીમની ઓળખ ચકાસી
આ સર્ચ ઓપરેશન દરમિયાન એક રસપ્રદ ઘટના પણ સામે આવી હતી. તાજેતરમાં દેશભરમાં નકલી ED અધિકારીઓના કેસોમાં વધારો થતાં રાજકોટ ગ્રામ્ય પોલીસે તકેદારીના ભાગરૂપે ઘટનાસ્થળે પહોંચી તપાસ હાથ ધરી હતી.પોલીસે સ્થળ પર હાજર તમામ અધિકારીઓના આઈડી કાર્ડ અને સત્તાવાર દસ્તાવેજોની ચકાસણી કરી હતી. તપાસ દરમિયાન આ ટીમ અસલી ED અધિકારીઓની હોવાનું સ્પષ્ટ થતાં સમગ્ર ઓપરેશન આગળ વધારવામાં આવ્યું હતું.
વધુ ખુલાસાની શક્યતા
હાલ ED દ્વારા તપાસ ચાલુ રાખવામાં આવી છે અને આગામી દિવસોમાં વધુ મોટા ખુલાસા થવાની શક્યતા વ્યક્ત કરવામાં આવી રહી છે. કરોડોના નાણાકીય વ્યવહારો અને હવાલા કનેક્શનને લઈને આ કેસ હવે વધુ ગંભીર બની રહ્યો છે.
આ પણ વાંચો:રાજકોટમાં ગેમ ઝોન અગ્નિકાંડ સંડોવાયેલા મનસુખ સાગઠિયા સામે EDએ દાખલ કર્યો કેસ
આ પણ વાંચો:EDએ રાજકોટનાં કૌભાંડીઓ સામે કડક કાર્યવાહી શરૂ કરી
