બ્રહ્મોસ સુપરસોનિક ક્રુઝ મિસાઇલો આજે જમીન અને હવા બનેં પ્લેટફોર્મથી સફળતાપૂર્વક લોંચ કરવામાં આવી હતી. પહેલું મિસાઇલ લોન્ચિંગ ઓડિશામાં લેન્ડ બેઝ્ડ મોબાઇલ લોન્ચરથી કરાયું હતું. તો સાથે સાથે જ બ્રહ્મોસ એર લોન્ચ વર્ઝન પણ સુ -30 એમકેઆઈ વિમાન પરથી ફાયરિંગ કરવામાં આવ્યું હતું. બ્રહ્મોસનાં આજે કરવામાં આવેલા બનેં પરીક્ષણો સફળ રહ્યા હતા અને ભારતીય સેનાની ત્રણે પાંખની શક્તિમાં ભારે વધારો થયો છે.
પહેલું મિસાઇલ લોન્ચિંગ ઓડિશાનાં ચાંદીપુરમાંથી લેન્ડ બેઝ્ડ મોબાઇલ લોન્ચરથી કરાયું હતું. મિસાઇલમાં મોટાભાગના ઘટકો સ્વદેશી હતા, જેમાં મિસાઇલ એર ફ્રેમ, ફ્યુઅલ એમજીએમટી સિસ્ટમ અને ડીઆરડીઓ ડિઝાઇન કરેલા સીકરનો સમાવેશ થાય છે. સૂત્રો મુજબ જમીનથી જમીન પર પ્રહાર કરવામાં સક્ષમ બ્રહ્મોસ મિસાઇલને મોબાઇલ ઓટોનોમસ લોન્ચરથી ચાંદીપુરમાં આવેલા પરીક્ષણ રેન્જમાંથી લોન્ચ કરાઇ હતી. આ મિસાઇલે સફળતા પૂર્વક એક જહાજના લક્ષ્યને ભેદયું હતુ.
બ્રહ્મોસ મિસાઇલનું બીજું લોકાર્પણ એસયુ -30 એમકેઆઈ પ્લેટફોર્મ પરથી ભારતીય વાયુસેના (આઈએએફ) દ્વારા દરિયાઇ લક્ષ્ય સામે કર્યું હતું. યુઝર કન્ફિગરેશનમાં હાથ ધરવામાં આવેલ પરીક્ષણ, અદ્યતન એર લોન્ચ કરાયેલ ક્રુઝ મિસાઇલની શિપ એટેક ક્ષમતાને ફરીથી કાયદેસર બનાવ્યું છે. બ્રહ્મોસ એર લોન્ચ વર્ઝન ફાયરિંગ પર ભારતીય વાયુસેના દ્વારા માહિતી આપતા જણાવાયું છે કે, શસ્ત્રનું આજે આ પ્રકારનું આ ત્રીજું જીવંત પ્રક્ષેપણ હતું અને આ પ્રક્ષેપણ સાથે સુખોઇ -30 એમકેઆઈ વિમાન પર મિસાઇલનું એકીકરણ પૂર્ણ થયું છે.
ડીઆરડીઓ મુજબ મિસાઇલ પરીક્ષણ તમામ માપદંડો પર ખરૂ ઉતર્યું. આપને જણાવી દઇએ કે, બ્રહ્મોસ મિસાઇલ મધ્યમ અંતર સુધી પ્રહાર કરવાની ક્ષમતા ધરાવતી સુપરસોનિક ક્રૂઝ મિસાઇલ છે. જેને યુદ્ધ જહાજ, યુદ્ધ વિમાન અથવા જમીન પરથી લોન્ચ કરી શકાય છે. આ મિસાઈલને દિવસ-રાત અને કોઈ પણ ઋતુમાં લોન્ચ કરી શકાય છે. હાલમાં ભારત અને રશિયા આ મિસાઈલની રેન્જ વધારવાની સાથે તેને હાઈપરસોનિક ગતિ પર ઉડાવવા માટે પણ કામ કરી રહ્યા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.