Ahmedabad Heritage Lake Pollution :  અમદાવાદના સરખેજ વિસ્તારમાં આવેલ ઐતિહાસિક સરખેજ રોજા તળાવમાં મહાનગરપાલિકા (AMC) દ્વારા સતત ગંદું પાણી છોડવામાં આવી રહ્યું હોવાના ગંભીર આક્ષેપો સામે આવ્યા છે. તળાવમાં ગંદા પાણીના પ્રવાહને કારણે આસપાસના વિસ્તારોમાં ભારે દુર્ગંધ ફેલાઈ રહી છે, જેના કારણે સ્થાનિક રહેવાસીઓ ત્રસ્ત બન્યા છે.

સ્થાનિક લોકોના જણાવ્યા મુજબ, લાંબા સમયથી તળાવમાં વહેતા ગંદા પાણીના કારણે મચ્છરોનો ઉપદ્રવ વધી ગયો છે અને રોગચાળો ફેલાવાનો ભય સતાવી રહ્યો છે. ખાસ કરીને બાળકો અને વૃદ્ધોના આરોગ્ય માટે આ પરિસ્થિતિ ગંભીર જોખમરૂપ બની છે.

હેરિટેજ (Heritage) સ્થળની અવગણના

સરખેજ રોજા રાજ્યનું મહત્વપૂર્ણ હેરિટેજ (Heritage) મોન્યુમેન્ટ ગણાય છે. દેશ-વિદેશથી પ્રવાસીઓ અહીં મુલાકાત લેવા આવે છે, પરંતુ તંત્રની બેદરકારીના કારણે આ ઐતિહાસિક સ્થળની ઓળખને નુકસાન પહોંચી રહ્યું છે. તળાવની યોગ્ય સફાઈ, સંરક્ષણ અને ગંદા પાણીની આવક અટકાવવા માટે અસરકારક પગલાં લેવાતા ન હોવાની ફરિયાદ ઉઠી છે.

જન આરોગ્ય સામે મોટો ખતરો

ગંદા પાણીના કારણે આસપાસના રહેણાંક વિસ્તારોમાં રહેતા લોકો શ્વાસની તકલીફ, ચામડીના રોગો અને અન્ય બીમારીઓનો ભોગ બનવાની ભીતિ વ્યક્ત કરી રહ્યા છે. સ્થાનિકોએ તંત્ર સામે પ્રશ્ન ઉઠાવ્યો છે કે હેરિટેજ (Heritage) સ્થળની સાથે જન આરોગ્યને જોખમમાં મૂકવું કેટલી હદે યોગ્ય છે?

તંત્રની નિષ્ક્રિયતા પર સવાલ

સ્થાનિકોનું કહેવું AMC દ્વારા ગંદા પાણીનો નિકાલ યોગ્ય રીતે ન થવાને કારણે સ્થિતિ દિવસેને દિવસે વધુ ખરાબ બની રહી છે. હાલ સ્થાનિક લોકો દ્વારા માંગ કરવામાં આવી રહી છે કે તાત્કાલિક અસરકારક પગલાં લેવામાં આવે, તળાવમાં ગંદા પાણીનો પ્રવાહ બંધ કરવામાં આવે અને સરખેજ રોજા જેવા ઐતિહાસિક સ્થળની સાચી રીતે જાળવણી કરવામાં આવે.

આ પણ વાંચો: અમદાવાદની સ્નેહાંજલિ સોસાયટીમાં 25 બંગલાઓ પર AMCનું ડિમોલિશન

આ પણ વાંચો: દબાણ હટાવવાની કાર્યવાહી દરમિયાન AMC-પોલીસ પર પથ્થરમારો

આ પણ વાંચો: સુભાષબ્રિજની ઘટના બાદ AMC તંત્ર જાગ્યું, ઇન્કમટેક્સ બ્રિજ પર ભારે વાહનોના પર પ્રતિબંધ