બિગ બોસ 13 માં દેખાઈ ગયેલા અરહાન જ્યારે શો પર હતો ત્યારે તેની પૂર્વ પ્રેમી અમૃતા ધનોઆએ તેની સામે ઘણા આક્ષેપો કર્યા હતા અને હવે ફરી એકવાર તેણે અરહાન પર આરોપો લગાવ્યા છે. જણાવી દઇએ કે, અમૃતા ધનોઆનાં આક્ષેપોને કારણે, રાષ્ટ્રીય ટેલિવિઝન પર અરહાન ખાનને લોકોએ ખૂબ ખરી ખોટી સંભળાવી હતી અને એવા અહેવાલો આવ્યા હતા કે અરહાન ખાને અમૃતા ધનોઆ પાસેથી 5 લાખ રૂપિયા ઉધાર લીધા હતા, જે તે આજદિન સુધી પાછો આપી શક્યો નહતો. જેના કારણે, અમૃતાએ તેની ધરપકડ કરાવવાનો નિર્ણય લીધો હતો, પરંતુ જ્યારે અરહાને શો છોડી દીધો ત્યારે બધું ઉલટું થઈ ગયું. જણાવી દઇએ કે, અમૃતા ધનોઆની ગત રાત્રે પોલીસ દ્વારા ધરપકડ કરાઇ હતી.
એક ન્યૂઝ રિપોર્ટ અનુસાર, જે મુજબ મુંબઈ પોલીસે અમૃતા ધનોઆ અને રિચા સિંહને 5 સ્ટાર હોટલમાંથી ધરપકડ કરી હતી અને એવું કહેવામાં આવી રહ્યું છે કે તેમના પર સેક્સ રેકેટ ચલાવવાનો આરોપ છે. વળી, અમૃતા ધનોઆનું આ સમગ્ર મામલા પર કંઈક બીજું જ કહેવુ છે. અમૃતાએ હાલમાં જ પૂર્વ બોયફ્રેન્ડ અરહાન ખાનને આ મામલે ખેંચી લીધો છે. તેણે કહ્યું કે અરહાન તેને ફસાવવાનાં ઈરાદામાં છે. હા, અમૃતા ધનોઆએ કહ્યું, ‘મને દોષી ઠેરવવામાં આવી રહી છે. આ રેડ પહેલેથી જ પ્લાન હતી અને હું જાણું છું કે અરહાને તે બધું કર્યું છે. પોલીસે પરિસ્થિતિને ખોટી ગણી છે. અમે સામાન્ય પાર્ટી કરી રહ્યા હતા અને મેં તેમને કહેવાનો પ્રયત્ન પણ કર્યો હતો.
આ સાથે, જ્યારે અમૃતા ધનોઆને પૂછવામાં આવ્યું કે તેની ધરપકડ કરવામાં આવી હતી કે નહીં, તો તેણે કહ્યું, ‘ના, અમે બધા પુરાવા બતાવ્યા અને પોલીસે અમારી વાત પર વિશ્વાસ કર્યો હતો. અને રિચા સિંહ કોણ છે? ત્યાં કોઈ રિચા સિંહ નહોતી. ‘ જણાવી દઇએ કે, આ સમયે, અમૃતા દાવો કરી રહી છે કે પોલીસે તેની ધરપકડ કરી નથી, પરંતુ એક સમાચાર મુજબ તે પોલીસ સ્ટેશનમાં હાજર હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
