શાહિન બાગ માટે સોમવારનો દિવસ મહત્વપૂર્ણ છે, કારણ કે દરેકની નજર સુપ્રીમ કોર્ટનાં નિર્ણય પર છે. જે રસ્તો શાહીન બાગમાં ચાલી રહ્યો છે તેનો રસ્તો ખાલી કરવા માટે સુપ્રીમ કોર્ટમાં અરજીઓ કરવામાં આવી છે. અરજીઓમાં કેન્દ્ર સરકાર અને સંબંધિત અધિકારીઓએ આ વિરોધ પ્રદર્શન બંધ કરાવવા માટે દિશા નિર્દેશ માંગ્યા છે.
આ અગાઉ 10 ફેબ્રુઆરીએ આ અરજીઓ પર સુનાવણી કરવામાં આવી હતી, ત્યારબાદ કોર્ટે સરકાર અને પોલીસને નોટિસ ફટકારી હતી અને જવાબો માંગ્યા હતા. સુપ્રીમ કોર્ટે ટિપ્પણી કરી હતી કે વિરોધ લાંબા સમયથી ચાલી રહ્યો છે, જે માટે સામાન્ય માર્ગને કેવી રીતે અનિશ્ચિતકાળ માટે બંધ કરી શકાય. લોકોને આંદોલન કરવાનો અધિકાર છે, પરંતુ તેનાથી કોઈને પરેશાની ન થવી જોઇએ. કોર્ટે કહ્યું કે, પ્રદર્શન નિયુક્ત સ્થળે થવું જોઈએ. આ કિસ્સામાં બીજી બાજુ સાંભળવું પણ જરૂરી છે. તેથી, અમે તાત્કાલિક કોઈ આદેશ જારી કરીશું નહીં. કોર્ટે આ મામલે કેન્દ્ર અને દિલ્હી સરકાર સાથે દિલ્હી પોલીસને પણ નોટિસ ફટકારી હતી.
આજે શાહીનબાગમાં સુનાવણીને લઇને સવારે પ્રદર્શન કરી રહેલી મહિલાઓએ ચૂકાદા પૂર્વે દુવાઓ માંગી હતી અને દુવાઓમાં તે જ સાંભળવામાં આવી રહ્યુ હતુ કે “નિર્ણય અમારા પક્ષમાં આવે, કોઈ અમારા હિન્દુસ્તાનને છીનવી ન લે, અમારા ઘર કોઈ ન છીનવે.” તે સ્પષ્ટ છે કે આજે પ્રદર્શન કરનારી મહિલાઓ માટે ખૂબ જ મહત્વપૂર્ણ દિવસ છે. દુવાઓ માંગતી વખતે ત્યાં હાજર બધી મહિલાઓની આંખો ભીની થઈ ગઈ હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
