Mumbai News: જેના ઘરમાં વૃદ્ધો હોય છે તેવા પરિવારો માટે ટેકનોલોજી વરદાનરૂપ સાબિત થઈ રહી છે. 3 ડિસેમ્બરના રોજ, શિવડી વિસ્તારની રહેવાસી 79 વર્ષીય સાયરા બી પોતાના ઘરેથિ એકલી નીકળી હતી અને રસ્તામાં એક અકસ્માતનો ભોગ બની હતી.એક રાહદારીએ વૃદ્ધને KEM હોસ્પિટલમાં દાખલ કરી. જ્યારે તે ઘરે પાછી ન આવી, ત્યારે તેના પરિવારને ચિંતા થઈ. પરંતુ તેમને તેની શોધખોળ કરવાની જરૂર ન પડી. કારણકે તેના પૌત્ર, મોહમ્મદ વસીમે તાજેતરમાં જ તેની નબળી યાદશક્તિ જોઈને તેના ગળામાં GPS લગાવ્યું હતું. આ GPS ઉપકરણથી સરળતાથી નક્કી થઈ ગયું કે તેમની દાદી KEM હોસ્પિટલમાં દાખલ છે.
વૃદ્ધો માટે GPS ટેકનોલોજી વરદાનરૂપ સાબિત થઈ
3 ડિસેમ્બરની સાંજે, સાયરા બી તેમના જૂના ઘરે જવા માટે નીકળી હતી. સાંજે 5 વાગ્યે, જ્ઞાનેશ્વર નગર નજીક આર્ય હોન્ડા શોરૂમ સામે એક અજાણ્યા વાહનચાલકે તેમને ટક્કર મારી હતી. તેના માથા, પગ, છાતી અને કમરમાં ગંભીર ઈજાઓ થઈ હતી. તે પીડાથી કણસી રહી હતી. ત્યારે ઘટનાસ્થળે હાજર એક વ્યક્તિ તેમને પોતાની ટેક્સીમાં બેસાડીને KEM હોસ્પિટલ લઈ ગયો હતો.
બાદમાં જેજે હોસ્પિટલમાં લઈ જવામાં આવ્યો
જ્યારે દાદી તેના જૂના ઘરે પરત ન આવી, ત્યારે વસીમે શોધખોળ શરૂ કરી. વસીમે તેના જીપીએસ ટ્રેક કર્યું અને તે સ્થાન KEM હોસ્પિટલ હોવાનું બહાર આવ્યું. તે તરત જ હોસ્પિટલ પહોંચ્યો. બાદમાં, તે તેની દાદીને વધુ સારી સારવાર માટે જેજે હોસ્પિટલમાં લઈ ગયો. ત્યાંના ડોકટરોને તેની પીઠમાં ફ્રેક્ચર અને ઘણી આંતરિક ઇજાઓ મળી. જેજે હોસ્પિટલમાં દાખલ કર્યા પછી, મોહમ્મદ વસીમે પોલીસ સ્ટેશનમાં ઘટનાની જાણ કરી. પોલીસે અજાણ્યા વાહનચાલક વિરુદ્ધ કેસ નોંધ્યો છે.
આ પણ વાંચો:હવે GPSની જરૂર નથી! તમને ચિત્રો બતાવશે રસ્તો, ડ્રાઈવિંગની નવી તકનીકો જાણો
