કોરોના વાયરસનાં વધતા જતા કહેર વચ્ચે ભારતમાં 17 મે સુધી લોકડાઉન છે. પીએમ મોદીએ લોકોને ઘરે રહેવાની અપીલ કરી છે. લોકો ઘરે છે અને નિયમોનું પાલન કરી રહ્યા છે. પરંતુ કેટલાક લોકો એવા પણ છે જે બહાર જઈને નિયમોનું ઉલ્લંઘન કરી રહ્યા છે. પોલીસ તેમની સામે કડક કાર્યવાહી કરી રહી છે. આવો જ એક વીડિયો સોશિયલ મીડિયા પર વાયરલ થઈ રહ્યો છે, જ્યાં એક પોલીસ કર્મચારી પોતાની શૈલીમાં લોકોને સજા આપી રહ્યા છે. લોકોને આ સ્ટાઇલ ખૂબ પસંદ આવી રહી છે. પોલીસમેન ભાગવત પ્રસાદ પાંડેનો વીડિયો સોશિયલ મીડિયા પર ખૂબ વાયરલ થઈ રહ્યો છે.

વીડિયોમાં જોઈ શકાય છે કે ભાગવત પાંડે બહાર ફરતા વ્યક્તિ પાસે જાય છે. આ માણસે તેના ટી-શર્ટ પર લખ્યું હતુ, ‘અપના ટાઇમ આયેગા.‘ જેને જોઇને તેઓ કહે છે, ‘તમારો ટાઇમ આવી ગયો.‘ જે બાદ તેણે વ્યક્તિને સમજાવ્યો અને તેને ઘરે મોકલી દીધો. લોકોને તેમની રમૂજી શૈલી ખૂબ પસંદ આવી રહી છે. તેમણે આ વીડિયો યુટ્યુબ પર શેર કર્યો છે. આ વીડિયોને થોડા કલાકોમાં 1 લાખથી વધુ વ્યૂઝ મળી ગયા છે. તેમજ 5 હજારથી વધુ લાઈક્સ થઈ ચૂકી છે. તેમણે કેપ્શનમાં પણ લખ્યું છે કે, ‘તમારા ઘરો પર રહો અને લોકડાઉનનું પાલન કરો. તે તમારા હિતમાં છે, દેશ હિતમાં છે, સમાજ હિતમાં છે. જય હિન્દ જ ભારત. હારશે કોરોના જીતીશું અમે.

આપને જણાવી દઇએ કે, કોરોના ચેપનાં ફેલાવાને રોકવા માટે, લોકડાઉનનો ત્રીજો તબક્કો દેશભરમાં લાદવામાં આવ્યો હતો, જે 17 મે સુધી રહેશે. આ દરમિયાન કેન્દ્ર સરકાર દ્વારા પણ કેટલીક છૂટ આપવામાં આવી છે. કોરોનાવાયરસનો કહેર ભારતમાં વધતો જઇ રહ્યો છે. દેશમાં ચાલુ લોકડાઉનમાં પણ ચેપગ્રસ્તનો આંકડો 52 હજારને વટાવી ગયો છે. ભારતમાં કોરોના ચેપની સંખ્યા વધીને 52,952 થઈ ગઈ છે. છેલ્લા ત્રણ દિવસમાં કોરોનાનાં 10 હજાર કેસ નોંધાયા છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.