મંગળવારે ફાઈઝર અધિકારીઓએ 2020 માં જ કોરોનો વાયરસ રસી તૈયાર કરવાની આશા વ્યક્ત કરી છે. આ દિગ્ગજ ફાર્મા કંપનીએ ત્રીજા ક્વાર્ટરમાં નફો ઓછો કર્યો છે. ફાઈઝરનાં ચીફ એક્ઝિક્યુટિવ આલ્બર્ટ બોર્લાએ જણાવ્યું હતું કે, જો ડ્રગ ટેસ્ટિંગ અપેક્ષા મુજબ ચાલે અને નિયમનકાર રસીને મંજૂરી આપી દે છે તો 2020 માં રસીનાં 40 મિલિયન ડોઝ યુ.એસ.ને પૂરા પાડવામાં આવી શકે છે.
બોર્લાએ કહ્યું હતું કે, “જો બધું બરાબર રહ્યુ, તો અમે ડોઝની પ્રારંભિક સંખ્યા વિતરિત કરવા માટે તૈયાર થઇશું.” ફાઇઝર એ આ વર્ષનાં અંત સુધીમાં 40 મિલિયન ડોઝ અને માર્ચ 2021 સુધીમાં યુ.એસ. સરકાર સાથેનાં કરાર પર 100 મિલિયન ડોઝ આપવાનો સંકેત આપ્યો છે. જો કે બોર્લાએ એમ પણ કહ્યું હતું કે, રસીનાં પ્રભાવનું મૂલ્યાંકન કરવામાં કંપની હજી સુધી મુખ્ય બેંચમાર્ક સુધી પહોંચી નથી. ફાઈઝર અગાઉ જણાવ્યું હતું કે, તેની પાસે ઓક્ટોબરમાં ડેટા હોઈ શકે છે.
બોર્લાએ જણાવ્યું હતું કે, કંપની નવેમ્બરનાં ત્રીજા અઠવાડિયામાં તેની કોવિડ-19 રસીને ઇમરજન્સી ઉપયોગ માટે અધિકૃત થવા પર નોંધાવવાની અપેક્ષા રાખે છે. આ એક રીતે કહીએ તો અગાઉની સમય મર્યાદાને અનુરૂપ છે. પૂછવામાં આવ્યું કે, “ઝડપી” રસી કામ કરશે કે નહીં, જેના પર બોર્લાએ કહ્યું કે, “હું ઝડપમાં નથી, રસી કામ કરશે. હું સાવધ રહેવાની સાથે આશાવાદી છું, રસી કામ કરશે.” ફાઈઝરમાં નફામાં 71 ટકાનો ઘટાડો નોંધાઈને 2.2 અબજ ડોલર થયો છે. કંપનીએ વર્ષ અગાઉનાં ગાળામાં ટ્રાન્ઝેક્શનમાં મોટો નફો કર્યો હતો. વિશ્લેષકોનાં અંદાજ મુજબ, ફાઈઝરની આવક ચાર ટકા ઘટીને 12.1 અબજ ડોલર થઈ ગઇ છે.
