અમેરિકાની ચૂંટણી પરિણામોમાં રાષ્ટ્રપતિ ડોનાલ્ડ ટ્રમ્પ દ્વારા કથિત ગેરરીતિના આરોપ લગાવ્યા બાદ ટ્રમ્પને સમર્થન આપવા માટે હજારો લોકો વોશિંગ્ટનની સડકો પર ઉતરી આવ્યા હતા. રાષ્ટ્રપતિની ચૂંટણીમાં જો બીડેનને વિજેતા જાહેર કરાયાના એક અઠવાડિયા પછી, શનિવારે “મિલિયન મેગા માર્ચ” બોલાવવામાં આવ્યો, જે આખો દિવસ શાંતિપૂર્ણ રહ્યો, પરંતુ રાત સુધીમાં ટ્રમ્પના સમર્થકો અને વિરોધીઓ વચ્ચે ઘર્ષણ શરૂ થયું.
વ્હાઇટ હાઉસથી પાંચ બ્લોક દૂર શનિવારે રાત્રે વિરોધીઓ વચ્ચે ભીષણ અથડામણ થઈ હતી. અહેવાલો અનુસાર, વિરોધ દરમિયાન, એક 20 વર્ષિય વ્યક્તિને કોઈએ ચાકુ માર્યો હતો, જેને ગંભીર હાલતમાં હોસ્પિટલમાં લઈ જવામાં આવ્યો હતો. આ ઘટનામાં બે પોલીસકર્મીઓ પણ ઘાયલ થયા છે.
એવું માનવામાં આવે છે કે આ વ્યક્તિ “બ્લેક લાઇફ મેટર” વિરોધ કરનારાઓ સાથે સંકળાયેલી હતી. અહેવાલો અનુસાર, અથડામણ ઘણી મિનિટો સુધી ચાલી હતી, બાદમાં પોલીસ દ્વારા પરિસ્થિતિને કાબૂમાં લેવા આવી હતી. અમેરિકાના જુદા જુદા ભાગોમાંથી ‘મેક અમેરિકા ગ્રેટ અગેન’ (મગા) ના પ્રદર્શનકારીઓ વોશિંગ્ટન ડીસીમાં એકઠા થયા હતા અને કહ્યું હતું કે ટ્રમ્પ ચૂંટણી જીત્યા હતા અને તેઓ તેમના નેતાને સમર્થન આપવા માટે શહેરમાં એકઠા થયા હતા.
એક મીડિયા એજન્સી અનુસાર ટ્રમ્પ વિરોધીઓએ ટ્રમ્પ સમર્થકો પર ઇંડા ફેક્યાં હતા. ટ્રમ્પે બાદમાં ટ્વિટ કર્યું હતું કે ન્યૂઝ ચેનલો તેમના સમર્થનમાં વિશાળ ભીડ બતાવી રહ્યા નથી. આ સાથે તેમણે ‘માગા’ રેલીની તસવીર પણ શેર કરી હતી.
