હિન્દુસ્તાનમાં દેવી-દેવતાઓના ઘણા મંદિરો જોવા મળ્યા છે, પરંતુ આવા મંદિર વિશે નહીં સાંભળ્યું હશે જ્યાં વ્હેલ માછલીઓની હાડકાની પૂજા કરવામાં આવે છે. હા, આ મંદિર ગુજરાતના વલસાડ જીલ્લાના મગોડ ડુંગરી ગામે આવેલું છે. આ મંદિર ‘મત્સ્ય માતાજી’ તરીકે ઓળખાય છે.
ગુજરાતમાં વ્હેલ ફિશ હાડકાંનું મંદિર
આ મંદિર લગભગ 300 વર્ષ જૂનું છે, જે માછીમારો દ્વારા બનાવવામાં આવ્યું હતું. માછીમારી માટે દરિયામાં જતાં પહેલાં અહીં રહેતા તમામ માછીમારો આ મંદિરમાં માથું નમાવે છે.
મંદિરને લગતી પ્રાચીન કથા એવી છે કે લગભગ 300 વર્ષ પહેલાં અહીં રહેતા પ્રભુ ટંડેલ નામના વ્યક્તિનું સ્વપ્ન હતું. ટંડલે સપનું જોયું કે એક વ્હેલ માછલી દરિયામાં મરી ગઈ છે. જ્યારે તેણે સવારે જાગીને જોયું તો ખરેખર એક મૃત વ્હેલ માછલી બીચ પર પડી હતી. તે એક વિશાળકાય માછલી હતી, જેને જોઇને ગ્રામજનો આશ્ચર્યચકિત થયા.
ટંડેલે સ્વપ્નમાં પણ જોયું કે માતા વ્હેલ માછલીનું રૂપ ધારણ કરી કિનારે આવે છે, પરંતુ કિનારે આવતા જ તેમનું મૃત્યુ થઇ જાય છે. ટંડેલે આ વાત ગ્રામજનોને જણાવી, અને વ્હેલને દિવ્ય અવતાર ગણાવી અને ગામમાં એક મંદિર બનાવ્યું.
મંદિર બનાવતા પહેલા ટંડેલે કિનારા પર મૃત માછલીને કાદવમાં દફનાવી હતી. મંદિર બન્યા પછી તેણે વ્હેલનાં હાડકાં કાઢી મંદિરમાં સ્થાપિત કર્યા. વ્હેલના હાડકાંની સ્થાપના થઈ ત્યારથી, તે અને કેટલાક અન્ય ગામલોકો અહીં નિયમિત પૂજા-અર્ચના કરવા લાગ્યા. જોકે કેટલાક ગ્રામજનો પણ ટંડેલની આ માન્યતાની વિરુદ્ધ હતા. મંદિર નિર્માણમાં તેમણે ન તો તેમનો સાથ આપ્યો કે પછી મંદિરમાં પૂજા અર્ચના કરી.
ઘણી વાર તમે સાંભળ્યું હશે કે દૈવી શક્તિમાં વિશ્વાસ ન કરવો અથવા તેની મજાક ઉડાવવાથી પણ દુખ થાય છે. તેવું કંઈક ગામ લોકો સાથે થયું. થોડા દિવસ પછી ગામમાં ભયંકર રોગ ફેલાયો.
ટંડેલની વિનંતી પર, લોકોએ તેમને માફ કરવા અને ગામને રોગ મુક્ત કરવા આ મંદિરમાં વ્રત માંગ્યું. તે એક ચમત્કાર હતો કે પીડિત લોકોએ પોતે જ સ્વસ્થ થવાનું શરૂ કર્યું. ત્યારબાદથી, આ ગામમાં આખું ગામ શ્રદ્ધા સાથે દરરોજ આ મંદિરમાં પૂજા અર્ચના કરે છે.
ત્યારથી, એક પ્રથા છે કે ગામનો દરેક વ્યક્તિ દરિયામાં ઉતરતા પહેલા આ મંદિરની મુલાકાત લે છે. પૂજા કરે છે. લોકો એવું પણ માને છે કે જ્યારે પણ કોઈ માછીમાર સમુદ્રમાં જતા પહેલા આ મંદિરની મુલાકાત લેતો ન હતો, ત્યારે તેની સાથે કોઈક અકસ્માત ચોક્કસથી થાય છે.
આજે પણ ટંડેલ પરિવાર આ મંદિરનું સંચાલન કરી રહ્યું છે. એટલું જ નહીં દર વર્ષે નવરાત્રિના આઠમના દિવસે અહીં એક વિશાળ મેળો પણ ભરાય છે.
#Ajab_Gajab / એક એવું ગામ જ્યાં લોકો એકબીજાને બોલવામાં તે વગાડે છે સીટી…
#Ajab_Gajab / લંકા મીનાર કે જ્યાં ભાઈ-બહેન એકસાથે નથી જઈ શકતા, જાણો કેમ..?…
POLITICAL / ગૃહમંત્રી અમિત શાહનાં ઘરની બહાર ધરણા કરવા જઇ રહેલા AAP ધારાસ…
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
