બુટલેગરો એટલે બુટલેગરો અને એને પણ ટક્કર મારે તેવી આપણી પોલીસ….વાતનો સંદર્ભ સાધવામાં આવે તો આપણે જાણીએ જ છીએ કે બુટલેગરો અને દારુનો વેપલો કરતા લોકો ગુજરાતમાં દારુ ઘૂસાડવા અને એ દારુને કટ્ટીંગ કરવા કે સપ્લાય કરવા માટે કેવા કેવા નવા નવા રસ્તા શોઘી લાવે છે. બુટલેગરો રોજ બરોજ કોઇ નવી જ રીતે ગુજરાતની હદમાં દારુનો વેપલો કરે છે અને તો પણ પોલીસ તે ઝડપી પાડે છે, છતા નથી આ બુટલેગરો થાકતા કે ન તો પોલીસ પકડવામાં થાપ ખાતી. ફરી આવુ જ એક દારુનાં વેપલાનું જબરદસ્ત નેટર્વક વડોદરા પોલીસે ઉજાગર કર્યું છે.
વાત જાણે એમ છે કે, વડોદરા પોલીસે બાઇક ચોરીનું મોટું કૌભાંડ પકડ્યું. શહેરનાં જોઇન્ટ સીપી ચિરાગ કોરડીયા દ્વારા આ કૌભાંડ મામલે પ્રેસ કોન્ફરન્સ યોજી માહિતી આપતા જણાવવામાં આવ્યું કે, ચોરીની બાઇકો દ્વારા દારૂની હેરાફેરીનું કૌભાંડ પણ સાથે સાથે ઝડપાયુ છે અને 1 + 1 ફ્રી ની વડોદરા પોલીસને ડિસેમ્બરમાં જ ગીફટ મળી છે. પોલીસ દ્વારા ચોરીની 31 બાઇકો જપ્ત કરવામાં આવી. વડોદરા પોલીસ દ્વારા જણાવવામાં આવ્યું કે, વડોદરા શહેરમાંથી બાઇક ચોરી કરી ટોળકી છોટાઉદેપુરમાં આ બાઇક વેચાતી હતી.
એક્યુલમાં ચોરીની બાઇકો ચોર ટોળકી બુટલેગરોને પધરાવાતી હતી અને બુટલેગરો મધ્યપ્રદેશ સરહદે દારૂની હેરાફેરી માટે આ ચોરાઉ બાઇકોનો ઉપયોગ કરાતો હતા. વડોદરાની મકરપુરા પોલીસ દ્વારા કુલ 32 ગુનાઓનો ભેદ ઉકેવામાં આવ્યો છે. બાઇકચોર ગેંગનાં 5 સભ્ય આરોપીઓની ધરપકડ કરી લેવામાં આવી છે. ટોળકી સામે વાહન ચોરીનાં 25 અને દારૂનાં 7 ગુનાઓ નોંધવામાં આવ્યા હતા તે તમામ ગુનાઓનો ભેદ ઉકેલાયો છે.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…