@રીઝવાન શેખ, મંતવ્ય ન્યૂઝ – અમદાવાદ
દાણીલીમડા પોલીસ ને મેસેજ મળ્યો કે બેરલ માર્કેટ પાસેના એક મકાનમાં ગેરકાયદેસર કતલ ખાનું ચાલી રહ્યો છે. જેમાં અબોલ પશુઓને કાપીને તેનો બિન્દાસ્ત પણે વેચાણ થઈ રહ્યો છે.
પોલીસે આ મેસેજ ના આધારે બેરલ માર્કેટ ના આશિયાના રો હાઉસમાં ફેજાન ઉર્ફે પપ્પુ ના ઘરમાં રેડ પાડી હતી. પોલીસ જ્યારે ઘરમાં ઘૂસી તો તેમની આંખો ખુલીને ખુલી જ રહી ગઇ. ઘરમાં ચારે તરફ લોહી જ લોહી હતું. આશરે ૧૦૦૦ કિલોગ્રામ જેટલું અબોલ પશુઓનો માંસ આમ તેમ પડ્યો હતો. આટલી મોટી સંખ્યામાં પશુ માંસ જોઈને પોલીસ પણ હેરાન થઈ ગઈ હતી. એટલું જ નહિ , ૧૫ નંગ પાડા સહિત 01 ભેંસ જીવિત હાલત માં પોલીસે કસાઈઓ પાસેથી બચાવી લીધી હતી.
આ મામલે દાણીલીમડા પોલીસે મજર હુસેન કુરેશી, સમીર બેગ , કયુમ કુરેશી, ઈરફાન કુરેશી , હામિદ કસાઈ અને જેના ઘરમાંથી પશુ માંસ મળ્યો તેનો માલિક ફેજાન ઉર્ફે પપ્પુ ની સામે ગુનો દાખલ કર્યો હતો. અને તમામ આરોપીઓની પાસેથી આશરે 2 લાખનો મુદ્દામાલ જપ્ત કરીને કાયદેસરની કાર્યવાહી હાથ ધરી હતી.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…