@વિરેન મહેતા, મંતવ્ય ન્યૂઝ – ગાંધીનગર
સોની સબ ટીવીના લોકપ્રિય શો તારક મહેતા કા ઉલ્ટા ચશ્માહમાં જેઠા લાલના સાળા સુંદરની ભૂમિકા ભજવનાર અભિનેતા મયુર વાકાણીને તાજેતરમાં જ કોરોના થયો હતો. મયુરને કોવિડ 19 ના લક્ષણોના કારણે અમદાવાદની હોસ્પિટલમાં દાખલ કરવામાં આવ્યો હતો. મયુરની પત્ની હેમાલી વાકાણીને પણ કોવિડ -19 નો ટેસ્ટ પોઝિટિવ આવ્યો છે, પરંતુ તેને કોરોનાના કોઈ લક્ષણોમાં દેખાતા નથી. એસિમ્પટમેટિક હોવાને કારણે, તેણે ઘરે પોતાને ક્વોરૅન્ટીન કરી છે.
એક ઓનલાઇન પોર્ટલ સાથે વાત કરતા મયુરની પત્ની હેમાલીએ આ સમાચારની પુષ્ટિ કરતાં કહ્યું હતું કે ‘મયૂરે તારક મહેતા કા ઉલ્ટા ચશ્મા’ના કેટલાક એપિસોડ્સ મુંબઈમાં શૂટ કર્યા હતા અને શૂટિંગ બાદ તે 7 માર્ચે પરત ફર્યા હતા. થોડા દિવસ પછી, તેણે કોરોનાનાં કેટલાક લક્ષણો દેખાયા, પરંતુ શરૂઆતમાં અમને લાગ્યું કે મુંબઇમાં આટલા જોરદાર શૂટિંગને કારણે તે થાક અનુભવી શકે છે. પરંતુ જ્યારે અમે તેનો કોરોના ટેસ્ટ કરાવ્યો ત્યારે તેનો રિપોર્ટ કોવિડ- 19 પોઝિટિવ આવ્યો હતો. 11 માર્ચે તેમને અમદાવાદની હોસ્પિટલમાં દાખલ કરવામાં આવ્યા હતા. ‘
મયુર વાકાણીને કોરોના પોઝિટિવ હોવાના સમાચાર પછી, શોના તમામ કલાકારો અને ક્રૂના સભ્યોએ કોરોના ટેસ્ટ કરાવ્યો હતો અને ત્યારબાદ શૂટિંગ શરૂ થયું હતું. મહારાષ્ટ્રની સાથે સાથે મુંબઈ માં પણ કોરોનાના દર્દીઓની સંખ્યા પણ ઝડપથી વધી રહી છે અને ટીવી સિરિયલોના કલાકારો પણ આની ઝપેટમાં આવી રહ્યા છે.
તારક મહેતાના પ્રખ્યાત ભાઈ બહેનની જોડી દયા અને સુંદર વાસ્તવિક જીવનમાં પણ ભાઈ-બહેન છે. હાલમાં દિશા વાકાણી પણ તેની તબિયત નબળી હોવાથી અમદાવાદમાં તેની માતા સાથે રહેવા આવી છે.
ટીવીનો સૌથી પૉપ્યૂલર શૉ તારક મહેતા કા ઉલ્ટા ચશ્માને લઇને છેલ્લા કેટલાય મહિનાઓથી દયાભાભીની વાપસીને લઇને ચર્ચા ચાલી રહી છે. દયા ભાભી ઉર્ફે દિશા વાકાણી વાપસી કરી રહ્યાં છે કે નહી તે અંગે જુદી જુદી અટકળો સેવાઇ રહી છે. શોમાં અંજલિનું રિપ્લેસ થયેલી સુનૈનાએ પણ એક ઇન્ટરવ્યુમાં દયાબેન વાપસી વિશેના સવાલ પર પ્રશ્નાર્થ લગાડ્યો હતો તેમણે હાલમાં જ આપેલા એક ઇન્ટરવ્યુમાં જણાવ્યું હતું કે, દયાબેનની વાપસી વિશે કદાચ જેઠાલાલ કે શો મેકર સ્પષ્ટતા કરી શકે, હું પણ તેમની સાથે કામ કરવા માટે આતૂર છું.
મંતવ્ય ન્યૂઝ દ્વારા જાહેર અપીલ –
નાગરીકોની શિસ્તબધ્ધતા અને તંત્રની અથાગ મહેનતનાં કારણે ગુજરાતમાં કોરોના નામશેષ થવાનાં આરે પહોંચી ચૂક્યો છે. ગાફેલ રહેવાની બીલકુલ જરુર નથી કારણ કે કોરોનાની સંપૂર્ણ નાબૂદીમાં હજુ થોડો સમય લાગશે. જો કે, ગુજરાતનાં આ સદનસીબ છે કે કોરોનાની ચાલ મંદી પડી છે, બાકી વિશ્વનાં અનેક દેશમાં આજે પણ કોરોના કહેર વર્તાવી જ રહ્યો છે. આવા સમયે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, કોરોનાથી ડરવાની નહીં, પરંતુ સંયમ સાથે વર્તવાની જરુર છે અને જે આપણે કરી પણ બતાવ્યું છે. છતા પણ બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય, ચાલો સંયમ સાથે નિયમોનું પાલન કરી એક જાગૃત નાગરીકની ફરજ બજાવીએ…
