ઉત્તર પ્રદેશમાં આગામી વિધાનસભાની ચૂંટણીની તૈયારી કરી રહેલી આમ આદમી પાર્ટીએ બુધવારે તમામ પાર્ટીઓને પાછળ છોડી 100 ઉમેદવારોની યાદી જાહેર કરાઇ છે. જો કે, હાલમાં, તેમને પ્રભારી તરીકે સંભવિત ઉમેદવાર બનાવવામાં આવ્યા છે. બાદમાં, જો કોઈની સામે કોઈ ખોટો રેકોર્ડ બહાર આવશે તો તેને પણ બદલી નાંખવામાં આવશે. રાજ્યની પછાત જાતિની વોટ બેંકને ધ્યાનમાં રાખીને, આપેએ પછાત જાતિના મહત્તમ 35 ઉમેદવારો જાહેર કર્યા છે. આ સિવાય તેમણે તમામ જ્ઞાતિને સાચવવાનો પ્રયાસ પણ કર્યો છે.
પાર્ટીના પ્રદેશ પ્રભારી અને સાંસદ સંજય સિંહે પક્ષની રાજ્ય કાર્યાલયમાં મીડિયા સામે યાદી જાહેર કરી. તેમણે કહ્યું કે 100 ઉમેદવારોની યાદીમાં 35 પછાત જાતિઓ, 20 બ્રાહ્મણો, 16 દલિતો અને પાંચ મુસ્લિમ જાતિઓના નામ સામેલ છે. તેમણે માહિતી આપી કે ટૂંક સમયમાં ઉમેદવારોની બીજી યાદી બહાર પાડવામાં આવશે.
आज आम आदमी पार्टी, उत्तर प्रदेश अपने 100 विधानसभा प्रभारियों की सूची जारी कर रही है और यह सब विधानसभा प्रभारी अपने-अपने क्षेत्र से हमारे संभावित प्रत्याशी और उम्मीदवार होंगे। – @SanjayAzadSln pic.twitter.com/04a0ZMGom8
— Aam Aadmi Party- Uttar Pradesh (@AAPUttarPradesh) September 15, 2021
AAP સાંસદે કહ્યું કે યાદીમાં તમામ વિભાગોને પ્રાધાન્ય આપવામાં આવ્યું છે. ડોકટર, એન્જિનિયરો, એડવોકેટ, ગ્રેજ્યુએટ્સ, પોસ્ટ ગ્રેજ્યુએટથી લઈને યુવાનો, ખેડૂતો સુધીના તમામ ક્ષેત્રના લોકોને આ યાદીમાં સમાવવામાં આવ્યા છે.AAP દ્વારા બહાર પાડવામાં આવેલી પ્રથમ યાદીમાં, અવધ પ્રદેશની 21 વિધાનસભા બેઠકો માટે ઉમેદવારો અને પ્રભારીઓ જાહેર કરવામાં આવ્યા છે. જેમાં લખનઉથી 7, બારાબંકીથી 5, સીતાપુરથી 4, સુલતાનપુરમાંથી 2, અયોધ્યામાંથી 3 નો સમાવેશ થાય છે
