છેલ્લા બે વર્ષથી દુનિયાભરમાં હાહાકાર મચાવ્યા બાદ હવે કોરોનાનો ખતરો ઓછો થવા લાગ્યો છે. જી હા, આ અમે નહી પણ WHO દ્વારા કહેવામા આવી રહ્યુ છે. જો કે અહી યુરોપને હજુ પણ ખતરામાં હોવાનુ કહેવામાં આવી રહ્યુ છે.
આ પણ વાંચો – Political / UP માં વિધાનસભાની ચૂંટણી પૂર્વે ઓપી રાજભરને યાદ આવ્યા જિન્ના, કહ્યુ- જો તે પ્રથમ PM હોત તો વિભાજન ન થયું હોત
WHO નાં જણાવ્યા અનુસાર, જ્યારે સમગ્ર વિશ્વમાં કોરોનાનાં કેસમાં ઘટાડો થઈ રહ્યો છે, ત્યારે યુરોપમાં હજી પણ કોરોના વાયરસનું જોખમ છે. ગયા અઠવાડિયે અહીં કોરોનાથી મૃત્યુઆંકમાં 10 ટકાનો વધારો થયો છે. માત્ર યુરોપમાં જ કોરોનાથી સંક્રમિત લોકોની સંખ્યા અને મૃત્યુઆંક વધી રહ્યો છે જ્યારે વિશ્વનાં અન્ય ભાગોમાં પણ કોરોનાનાં કેસમાં ઘટાડો જોવા મળી રહ્યો છે. મહત્વની વાત એ છે કે યુરોપમાં સતત છઠ્ઠા સપ્તાહે કોરોનાનાં કેસમાં વધારો થયો છે. યુનાઈટેડ નેશન્સ હેલ્થ એજન્સીએ મહામારી અંગેનાં તેના સાપ્તાહિક અહેવાલમાં જણાવ્યું હતું કે, વૈશ્વિક સ્તરે લગભગ 31 લાખ નવા કેસ નોંધાયા છે, જે પાછલા અઠવાડિયા કરતાં લગભગ એક ટકા વધુ છે. કોરોના વાયરસનાં સંક્રમણનાં લગભગ બે તૃતીયાંશ, એટલે કે 19 લાખ કેસ યુરોપમાં નોંધાયા હતા, જ્યાં કેસની સંખ્યામાં સાત ટકાનો વધારો થયો હતો. વિશ્વભરમાં જે દેશોમાં સૌથી વધુ નવા કેસ નોંધાયા છે તેમાં યુએસ, રશિયા, બ્રિટન, તુર્કી અને જર્મનીનો સમાવેશ થાય છે. વિશ્વભરમાં COVID-19 મહામારીથી સાપ્તાહિક મૃત્યુઆંક લગભગ ચાર ટકા ઘટ્યો છે, અને યુરોપ સિવાયનાં દરેક પ્રદેશોમાં આ સંખ્યામાં ઘટાડો થયો છે. WHOએ જણાવ્યું હતું કે, અમેરિકામાં નવા સાપ્તાહિક કેસોમાં પાંચ ટકાનો ઘટાડો થયો છે અને મૃત્યુમાં 14 ટકાનો ઘટાડો થયો છે. દક્ષિણપૂર્વ એશિયા અને આફ્રિકામાં રસીઓનો અભાવ હોવા છતાં, COVID-19 થી થતા મૃત્યુમાં લગભગ ત્રીજા ભાગનો ઘટાડો થયો છે.
આ પણ વાંચો – Political / દેશમાં વધતી મોંઘવારી વિરુદ્ધ કોંગ્રેસ પાર્ટી કરશે આંદોલન, આ તારીખથી શરૂ થશે જન જાગરણ અભિયાન
કોરોના વાયરસનાં વૈશ્વિક કેસ વધીને હવે 25.13 કરોડ થઈ ગયા છે. આ મહામારીનાં કારણે અત્યાર સુધીમાં 50.7 લાખથી વધુ લોકોનાં મોત થયા છે, જ્યારે 7.34 અબજથી વધુ લોકોનું રસીકરણ કરવામાં આવ્યું છે. જોન્સ હોપકિન્સ યુનિવર્સિટી દ્વારા આ આંકડા શેર કરવામાં આવ્યા છે. ગુરુવારે સવારે તેના નવીનતમ અપડેટમાં, યુનિવર્સિટીનાં સેન્ટર ફોર સિસ્ટમ્સ સાયન્સ એન્ડ એન્જિનિયરિંગ (CSSE) એ અહેવાલ આપ્યો કે, વર્તમાન વૈશ્વિક કેસ, મૃત્યુ અને રસીકરણની કુલ સંખ્યા અનુક્રમે 251,348,332, 5,071,757 અને 7,347,735,847 છે. જણાવી દઇએ કે, રશિયામાં દેશનાં મોટાભાગનાં વિસ્તારોમાં કામ પરનો નવ દિવસનો પ્રતિબંધ સમાપ્ત થયા પછી, મંગળવારે દેશમાં કોરોના વાયરસનાં સંક્રમણનાં કારણે રેકોર્ડ સંખ્યામાં મૃત્યુ નોંધાયા હતા, જ્યારે નવા કેસ પણ બે દિવસમાં આવી રહ્યા હતા. સત્તાવાર કોરોના વાયરસ ટાસ્ક ફોર્સ અનુસાર, કોવિડ -19 થી 1,211 લોકોનાં મોત થયા છે, જે એક દિવસમાં મૃત્યુની સૌથી વધુ સંખ્યા છે. દેશમાં સંક્રમણનાં 39,160 નવા કેસ નોંધાયા છે. ટાસ્ક ફોર્સ અનુસાર, ઓક્ટોબર મહિનામાં દેશમાં દરરોજ લગભગ 40,000 નવા કેસ આવી રહ્યા છે, જ્યારે સંક્રમણનાં કારણે દરરોજ 1,100 થી વધુ લોકો મૃત્યુ પામી રહ્યા છે. રશિયાનાં રાષ્ટ્રપતિ વ્લાદિમીર પુતિને ગયા મહિને રશિયન નાગરિકોને 30 ઓક્ટોબરથી 7 નવેમ્બર સુધી કામ કરવાનું બંધ કરવા કહ્યું હતું. તેમણે પ્રાદેશિક સરકારોને જરૂરિયાત મુજબ વ્યવસાય બંધ કરવા માટેની સમય મર્યાદા લંબાવવાની સત્તા આપી હતી, પરંતુ અત્યાર સુધીમાં માત્ર પાંચ પ્રદેશોએ આવું કર્યું છે.
