ઉત્તરપ્રદેશના મુખ્યમંત્રી યોગી આદિત્યનાથે અમરોહામાં જનસભાને સંબોધિત કરતી વખતે મથુરા-વૃંદાવનનો ઉલ્લેખ કર્યો હતો. તેમણે કહ્યું કે અમે કહ્યું હતું કે અમે અયોધ્યામાં ભવ્ય રામ મંદિરનું નિર્માણ કાર્ય શરૂ કરીશું. મોદીજીએ કામ શરૂ કરી દીધું છે. કાશીમાં વિશ્વનાથનું ધામ પણ ભવ્ય રીતે બનાવવામાં આવી રહ્યું છે. તો પછી મથુરા-વૃંદાવન કેવી રીતે પાછળ રહી જશે, ત્યાં પણ કામ ભવ્યતા સાથે આગળ વધ્યું છે. તેમણે અમરોહા જિલ્લામાં રૂ. 43 કરોડના મૂલ્યની 31 વિકાસ યોજનાઓનું ઉદ્ઘાટન કર્યું.

…तो फिर मथुरा-वृंदावन कैसे छूट जाएगा! pic.twitter.com/MzB7f320mM

— Yogi Adityanath (@myogiadityanath) December 29, 2021

આ પહેલા નાયબ મુખ્યમંત્રી કેશવ પ્રસાદ મૌર્યએ એક ટ્વિટ કર્યું હતું, જેને લઈને ઘણો હંગામો થયો હતો. તેમણે કહ્યું હતું કે અયોધ્યા-કાશીમાં ભવ્ય મંદિરનું નિર્માણ ચાલી રહ્યું છે, મથુરામાં તૈયારીઓ ચાલી રહી છે. કેટલાક રાજકીય નેતાઓએ ડેપ્યુટી સીએમ પર વિધાનસભા ચૂંટણી પહેલા મતદારોનું ધ્રુવીકરણ કરવાનો આરોપ લગાવ્યો હતો

મથુરાના બીજેપી સાંસદ હેમા માલિનીએ પણ તાજેતરમાં કૃષ્ણ મંદિરને લઈને નિવેદન આપ્યું હતું. તેમણે કહ્યું કે તેમને આશા છે કે અયોધ્યા અને કાશી પછી મથુરામાં પણ કાશી વિશ્વનાથ કોરિડોર જેવું ભવ્ય મંદિર બનશે. માલિનીએ કહ્યું કે ભગવાન કૃષ્ણની જન્મભૂમિ અને પ્રેમનું પ્રતિક એવા મથુરાના સાંસદ હોવાના કારણે હું કહીશ કે અહીં પણ ભવ્ય મંદિર હોવું જોઈએ. અહીં પહેલેથી જ એક મંદિર છે. વડાપ્રધાન નરેન્દ્ર મોદીએ જે રીતે કાશી વિશ્વનાથ કોરિડોરનું નિર્માણ કર્યું છે તે જ રીતે અહીં પણ ભવ્ય મંદિર બનાવવું જોઈએ.

ભાજપ મથુરા મુદ્દોને વધુ ગરમાવવા માંગે છે. અયોધ્યામાં રામ મંદિરનું નિર્માણ શરૂ થયા પછી અને બનારસમાં કાશી વિશ્વનાથ કોરિડોર, હવે મથુરાને પણ મુદ્દો બનાવવા ઇચ્છે  છે. વિશ્વ હિંદુ પરિષદના સંયુક્ત મહાસચિવ સુરેન્દ્ર જૈને જણાવ્યું કે 1984માં દિલ્હીના વિજ્ઞાન ભવનમાં યોજાયેલી બેઠકમાં વિશ્વ હિંદુ પરિષદે અયોધ્યા-મથુરા-કાશીની મુક્તિ માટે ઠરાવ પસાર કર્યો હતો. અને તે હજુ પણ અમારા કાર્યસૂચિ પર છે