ભારતીય ટીમનાં વિકેટકીપર બેટ્સમેન રિષભ પંતને લઈને મોટી પ્રતિક્રિયા આવી છે. પૂર્વ દિગ્ગજ ખેલાડી અને વર્લ્ડકપ વિજેતા મદન લાલે દક્ષિણ આફ્રિકા સામેની કેપટાઉન ટેસ્ટ મેચમાંથી પંતને હટાવવાની વાત કરી છે. મદન લાલનું માનવું છે કે ખરાબ ફોર્મનાં કારણે રિષભ પંતને પ્લેઈંગ ઈલેવનમાં સામેલ ન કરવો જોઈએ.
આ પણ વાંચો – Ashes series / ઈંગ્લેન્ડ ટીમને ચોથી ટેસ્ટમાં જીવમાં જીવ આવ્યો, રોમાંચક મેચ થઇ ડ્રો
રિષભ પંતે અત્યાર સુધી સાઉથ આફ્રિકા પ્રવાસ પરની બન્ને મેચોમાં ખૂબ જ ખરાબ પ્રદર્શન કર્યું છે. તેણે અત્યાર સુધી ચાર ઇનિંગ્સમાં માત્ર 59 રન બનાવ્યા છે. તેણે પ્રથમ ટેસ્ટ મેચમાં 8 અને 34 અને બીજી ટેસ્ટમાં 17 અને 0 રન બનાવ્યા હતા. જેને લઇને પૂર્વ ભારતીય ખેલાડી મદન લાલ ખૂબ જ ગુસ્સામાં આવ્યા છે. મદન લાલનાં કહેવા પ્રમાણે, પંતનાં ખરાબ ફોર્મને જોતા તેને બ્રેક આપવામાં આવે અને તેની જગ્યાએ બીજા વિકેટકીપર રિદ્ધિમાન સાહાને ટીમમાં સામેલ કરવામાં આવે. આપને જણાવી દઈએ કે, ભારત અને દક્ષિણ આફ્રિકા બન્નેએ અત્યાર સુધી એક-એક ટેસ્ટ મેચ જીતી છે. સીરીઝની ત્રીજી મેચ 11 જાન્યુઆરીથી કેપટાઉનમાં રમાશે અને જે પણ ટીમ તેમા જીતશે તે આ સીરીઝ પણ પોતાની નામે કરવામાં સફળ રહેશે. ઋષભ પંત કે જેઓ કેટલીક મેચો પહેલા સુધી ભારતીય ક્રિકેટનું ભવિષ્ય કહેવાતા હતા તેને હવે બેદરકાર અને ટીમ પર બોજ કહેવામાં આવી રહ્યો છે. કેટલાક દિગ્ગજો માને છે કે પંતનાં કારણે ભારતીય ક્રિકેટ ટીમ જોહાનિસબર્ગ ટેસ્ટ હારી ગઈ હતી. જો તેણે આગળ જઈને કાગિસો રબાડાનાં બોલને શોટ ન માર્યો હોત તો ભારત મેચ જીતી શક્યું હોત. હવે આ અપેક્ષામાં જ કેટલો વિરોધાભાસ છે.
આ પણ વાંચો – Corona / દેશમાં ઝડપથી વધી રહ્યા છે કોવિડના કેસ, PM મોદી આજે સ્થિતિની સમીક્ષા કરવા કરશે બેઠક
એક તરફ, તમે તે માણસનાં વલણથી પરેશાન છો. અને બીજી બાજુ શું તમે તેનામાં આશા પણ રાખી છે? વાહ ના ના વાહ! જો આ જ શોટ કનેક્ટેડ હોત તો તમે બધા ભૂલી ગયા હોત અને તે એક શોટની ક્લિપ્સ શેર કરી હોત. જેમ તમે માર્ચ 2021માં જેમ્સ એન્ડરસન અને જોફ્રા આર્ચર પર પંતનાં રિવર્સ શૉટ્સની ક્લિપ્સ શેર કરી હતી. સમસ્યા પંતમાં નથી, પંત હંમેશા આવો જ હતો. ભલે તે એક હાથે સિક્સર મારતો હોય. અથવા કોઈપણ બોલરનાં આદરમાં પડ્યા વિના રિવર્સ ફ્લિક અથવા રિવર્સ સ્વીપ કરતો હોય. પંતનું કેરેક્ટર આવુ જ રહ્યુ છે અને આ પાત્રથી આપણે બધા તેના ચાહક બની ગયા. જ્યારે આપણી પાસે ઘણા બધા વિકલ્પો છે. સંજુ સેમસન તેની સામે આવ્યો, તમારી પાસે પહેલેથી જ રિદ્ધિમાન સાહા છે. તમારી પાસે ઈશાન કિશન પણ છે અને જો હું આ ચાર વિકેટકીપરની વાત કરું તો દોસ્તો તમને આ ચારમાં સૌથી વધુ ઈશાન અને રિષભ ગમશે. દેખીતી રીતે, કેટલાક લોકો આ વાત સાથે સહમત નહીં થાય. પરંતુ પંતનાં આ જ બેટિંગ અંદાજનાં કારણે ટેસ્ટમાં તેને લઇને ઘણા વિવાદ થઇ રહ્યા છે, આ જોતા તે ત્રીજી ટેસ્ટમાં ન હોય તો કોઇ નવાઇ પણ નહી.
