ગુરુવારે પશ્ચિમ બંગાળના જલપાઈગુડી જિલ્લામાં ડોમોહિની નજીક બિકાનેર-ગુવાહાટી એક્સપ્રેસ ટ્રેનના 12 ડબ્બા પાટા પરથી ઉતરી જતાં ઓછામાં ઓછા છ લોકોના મોત થયા હતા અને 50 થી વધુ લોકો ઘાયલ થયા હતા. વીડિયોમાં ઘણા કોચ પાટા પરથી ઉતરી ગયેલા અને બચાવકર્મીઓ મુસાફરોને બચાવવાનો પ્રયાસ કરતા દેખાઈ રહ્યા છે

ગુવાહાટીમાં ઉત્તરપૂર્વ પ્રાંતીય રેલ્વે (NFR) ના પ્રવક્તાએ જણાવ્યું હતું કે અકસ્માત NFRના અલીપુરદ્વાર વિભાગ હેઠળના વિસ્તારમાં સાંજે 5 વાગ્યે થયો હતો. તેમણે કહ્યું કે આ દુર્ઘટના અલીપુરદ્વાર જંક્શનથી 90 કિલોમીટરથી વધુના અંતરે થઈ હતી. પ્રવક્તાએ કહ્યું, “અકસ્માત રાહત ટ્રેન અને તબીબી ટીમ ઘટનાસ્થળે પહોંચી ગઈ છે.”

પીએમ મોદીએ રેલ્વે મંત્રી અશ્વિની વૈષ્ણવ પાસેથી ટ્રેન દુર્ઘટનાની જાણકારી લીધી. ગુનીત કૌર ચીફ પીઆરઓ નોર્થ-ઈસ્ટ ફ્રન્ટિયર રેલ્વેએ કહ્યું છે કે બચાવ કામગીરી લગભગ પૂર્ણ થઈ ગઈ છે. અમારી ટીમોએ અસરગ્રસ્ત મુસાફરોને સફળતાપૂર્વક બચાવ્યા છે. પીએમ મોદીએ ટ્વીટ કરીને લખ્યું કે રેલ્વે મંત્રી અશ્વિની વૈષ્ણવે પશ્ચિમ બંગાળમાં ટ્રેન દુર્ઘટનાને પગલે પરિસ્થિતિનો તાગ મેળવ્યો. મારી સંવેદના શોકગ્રસ્ત પરિવારો સાથે છે. ભગવાન ઘાયલોને જલ્દી સાજા કરે.

મમતા બેનર્જીએ કહ્યું કે મયનાગુરીમાં બીકાનેર-ગુવાહાટી એક્સપ્રેસના દુ:ખદ અકસ્માત વિશે સાંભળીને ખૂબ જ દુઃખ થયું છે. રાજ્ય સરકારના વરિષ્ઠ અધિકારીઓ, DM/SP/IG ઉત્તર બંગાળ બચાવ અને રાહત કામગીરી પર નજર રાખી રહ્યા છે. ઘાયલોને વહેલી તકે તબીબી સુવિધાઓ આપવામાં આવશે. રાજ્યના મુખ્યાલયથી સ્થિતિ પર બારીકાઈથી નજર રાખવામાં આવી રહી છે.

Deeply concerned to hear about the tragic accident of the Bikaner-Guwahati Express in Maynaguri.
Senior Officers of the State Government, DM/SP/IG North Bengal are supervising rescue and relief operations. Those injured will receive medical attention, as early as possible.

— Mamata Banerjee (@MamataOfficial) January 13, 2022

કેન્દ્રીય રેલવે મંત્રી અશ્વિની વૈષ્ણવે કહ્યું છે કે હું કાલે સવારે સ્થળ પર પહોંચી રહ્યો છું. મેડિકલ ટીમ, વરિષ્ઠ અધિકારીઓ સ્થળ પર હાજર છે. પીએમ મોદીએ પણ પરિસ્થિતિ અને બચાવ કામગીરીનો તાગ મેળવ્યો હતો. અમારું ધ્યાન બચાવ પર છે. એક્સ-ગ્રેશિયા રકમ પણ જાહેર કરવામાં આવી છે. આ દુર્ભાગ્યપૂર્ણ દુર્ઘટનાના પીડિતોને એક્સ-ગ્રેશિયા રકમની જાહેરાત કરવામાં આવી છે. મૃત્યુ પામેલા લોકોના નજીકના સંબંધીઓને રૂ. 5 લાખ, ગંભીર રીતે ઇજાગ્રસ્તોને રૂ. 1 લાખ અને નાની ઇજાઓ માટે રૂ. 25,000ની સહાયની જાહેરાત કરવામાં આવી છે.

Enhanced amount of ex-gratia compensation to the victims of this unfortunate accident:
Rs. 5 Lakh in case of death,
Rs. 1 Lakh towards grievous and
Rs. 25,000 for minor injuries.

— Ashwini Vaishnaw (@AshwiniVaishnaw) January 13, 2022