ભાજપના નેતાઓ અને પીએમ મોદી પોતે ગુજરાત મોડલને અવાર નવાર ટાંકતા રહે છે. બ્રિટિશ વડા પ્રધાન બોરિસ જોન્સન જ્યારે ગુજરાતની મુલાકાતે આવ્યા ત્યારે આ મોડલ ફરી એકવાર સામે આવ્યું હતું. આરોપ છે કે બોરિસ જોન્સનને અમદાવાદથી સાબરમતી આશ્રમ તરફ લઈ જતી વખતે ઝૂંપડપટ્ટી સફેદ કપડાથી ઢાંકવામાં આવી હતી. ત્યારે લોકોના મનમાં સવાલ થાય છે કે, જો ગુજરાતમાં આટલો બધો વિકાસ થયો છે તો બ્રિટનના વડાપ્રધાનથી છુપાવવા માટે આ ઝૂંપડપટ્ટીઓ પર પડદો કેમ પાડવો પડ્યો?
સફેદ પડદા મુકવા છતાં સમયાંતરે પડદા ઉંચકીને ઝૂપડપટ્ટીના લોકો રસ્તા પર આવતા જોવા મળ્યા હતા. બ્રિટિશ વડાપ્રધાન અમદાવાદથી સાબરમતી આશ્રમ પહોંચ્યા ત્યારે કોંગ્રેસના વરિષ્ઠ નેતા દિગ્વિજય સિંહે પીએમ મોદીને સીધા સવાલો કર્યા હતા. વીડિયો શેર કરતા તેણે લખ્યું, “12 વર્ષ સુધી તમે ગુજરાતના મુખ્યમંત્રી રહ્યા, 8 વર્ષ સુધી તમે દેશના વડાપ્રધાન નરેન્દ્ર મોદી છો, તેમ છતાં તમને બોરિસ જોન્સનને બતાવવામાં શરમ આવે છે ?”
ગુજરાતમાં આ પહેલીવાર નથી કે વિદેશી મહેમાનના આગમન પર પડદો મૂકવામાં આવ્યો હોય. અગાઉ અમેરિકાના તત્કાલિન રાષ્ટ્રપતિ ડોનાલ્ડ ટ્રમ્પની અમદાવાદ મુલાકાત વખતે પણ ગુજરાત મોડલના વિકાસ અને ઝૂપડપટ્ટી વચ્ચે દિવાલ ઉભી કરવામાં આવી હતી. ટ્રમ્પ જે માર્ગો પરથી પસાર થયા હતા તેના પર દિવાલ ઉભી કરવા બદલ મોદી અને ભાજપ સરકારને ફટકાર લગાવવામાં આવી હતી.
https://twitter.com/mantavyanews/status/1517423445004275712?s=20&t=GI2yJEVisOogjLN0gUTQDw
પોલીસ કસ્ટડી / જીગ્નેશ મેવાણીને આસામ કોર્ટે 3 દિવસની પોલીસ કસ્ટડીમાં મોકલી આપ્યો
રાજકીય / ગુજરાત કોંગ્રેસ ને વધુ એક ફટકો: 35 વર્ષથી પંજા સાથે જોડાયેલા દિગ્ગજ નેતા ભાજપમાં જોડાશે
