DCGI (ડ્રગ્સ કંટ્રોલર જનરલ ઓફ ઈન્ડિયા) એ 6 થી 12 વર્ષની વયના બાળકોના રસીકરણ માટે ભારત બાયોટેકની કોવેક્સિનને મંજૂરી આપી છે. સૂત્રો પાસેથી પ્રાપ્ત માહિતી અનુસાર કોવેક્સીનના ઈમરજન્સી ઉપયોગને મંજૂરી આપવામાં આવી છે.
દેશમાં 16 માર્ચથી 12 થી 14 વર્ષની વયજૂથના બાળકોનું રસીકરણ શરૂ થયું હતું. પરંતુ હવે રસીકરણનો વ્યાપ સતત વધારવામાં આવી રહ્યો છે અને સરકાર દરેક વય જૂથના બાળકોને રસી આપવાનો પ્રયાસ કરી રહી છે.
ડ્રગ કંટ્રોલર જનરલ ઓફ ઈન્ડિયા (DCGI) ની વિષય નિષ્ણાત સમિતિએ ગયા અઠવાડિયે કોર્બેવેક્સ રસીના કટોકટીના ઉપયોગની ભલામણ કરી હતી. આ ભલામણ 5 થી 11 વર્ષની વયના બાળકો માટે કરવામાં આવી હતી. હૈદરાબાદ સ્થિત ફર્મ બાયોલોજિકલ-ઇ દ્વારા વિકસિત Corbevax કોરોના સામે દેશની પ્રથમ સ્વદેશી રીતે વિકસિત RBD પ્રોટીન સબ-યુનિટ રસી છે.
દેશમાં ફરી એકવાર કોરોનાના કેસમાં વધારો થયો છે. ભારતમાં મંગળવારે કોવિડ-19ના 2,483 નવા કેસના આગમન સાથે અત્યાર સુધીમાં કોરોનાથી સંક્રમિત લોકોની સંખ્યા વધીને 4,30,62,569 થઈ ગઈ છે. તો સારવાર લઈ રહેલા દર્દીઓની સંખ્યા ઘટીને 15,636 થઈ ગઈ છે.
આ પણ વાંચો: બુલડોઝર/ પથ્થરબાજોમાં બુલડોઝરનો ડર, સાબરકાંઠામાં પણ હિંસા બાદ ફર્યું બુલડોઝર
આ પણ વાંચો: ગુજરાતનું શિક્ષણ ક્ષેત્ર/ અમદાવાદની આ સ્કૂલમાં સિનિયર વિદ્યાર્થીઓ જુનિયરને જબરદસ્તી યુરિન….