અમેરિકામાં ફરી એકવાર USAમાં ફાયરિંગનો મામલો સામે આવ્યો છે. અમેરિકામાં 8 દિવસમાં ગોળીબારની આ ત્રીજી ચોંકાવનારી ઘટના છે. ઓક્લાહોમા રાજ્યના તુલસા સિટીમાં સેન્ટ ફ્રાન્સિસ હોસ્પિટલ કેમ્પસમાં ગોળીબારમાં ચાર લોકોના મોત થયા છે. તુલસા પોલીસ વિભાગના ડેપ્યુટી ચીફ એરિક ડાલગ્લિશે મીડિયાને જણાવ્યું કે હુમલાખોરે પાછળથી પોતાને ગોળી મારી દીધી. જોકે, પોલીસનું કહેવું છે કે શૂટરનું મોત કેવી રીતે થયું તે હજુ સ્પષ્ટ થયું નથી. આ ઘટના યુએસ સમય મુજબ બુધવારે સાંજે 7.15 વાગ્યાની આસપાસ બની હતી. પોલીસને સાંજે 4.52 વાગ્યે એલર્ટ કરવામાં આવી હતી કે એક શૂટર 61મી સ્ટ્રીટ અને યેલ એવન્યુ પર સ્થિત કોમ્પ્લેક્સ નતાલી બિલ્ડીંગમાં ઉપદ્રવ સર્જી રહ્યો છે. એલર્ટ મળ્યાની 4 મિનિટમાં પોલીસ ત્યાં પહોંચી ગઈ હતી. પોલીસ સૂત્રોના જણાવ્યા અનુસાર હુમલાખોર રાઈફલ લઈને આવ્યો હતો. તે સેન્ટ ફ્રાન્સિસ હોસ્પિટલ પરિસરમાં આવેલી નતાલી મેડિકલ બિલ્ડિંગમાં ઘૂસી ગયો હતો. આ પછી, પોલીસે ફેસબુક પોસ્ટ દ્વારા જણાવ્યું કે શૂટર માર્યો ગયો.
ACTIVE SHOOTER SITUATION UPDATE: See our Facebook for more info: pic.twitter.com/dla5NWukWM
— Tulsa Police (@TulsaPolice) June 1, 2022
ઓક્લાહોમા સ્ટેટ મેડિકલ એસોસિએશનના પ્રમુખ ડૉ. ડેવિડ હોલ્ડને એક નિવેદનમાં જણાવ્યું હતું કે તુલસા હોસ્પિટલમાં હૃદયદ્રાવક ઘટના વિશે જાણીને તેઓ આઘાત પામ્યા હતા. તમને જણાવી દઈએ કે આ પહેલા 31 મેના રોજ લુઈસિયાના રાજ્યના ન્યૂ ઓર્લિન્સ શહેરની એક સ્કૂલમાં ચાલી રહેલા દીક્ષાંત સમારોહ દરમિયાન ફાયરિંગમાં એક મહિલાએ જીવ ગુમાવ્યો હતો. જ્યારે બે લોકો ઘાયલ થયા હતા. જ્યારે 25 મેના રોજ ટેક્સાસની એક સ્કૂલમાં ગોળીબારમાં 21 લોકોના મોત થયા હતા.
અમેરિકામાં સતત આ પ્રકારના ગોળીબાર થતા સરકાર ચિંતિત છે.
અમેરિકી રાષ્ટ્રપતિ જો બિડેન બાદ ઉપરાષ્ટ્રપતિ કમલા હેરિસે ટેક્સાસમાં શાળામાં ગોળીબારમાં 21 લોકોના મોત બાદ બંદૂકના કાયદા પર અંકુશ લગાવવાની હાકલ કરી છે. તમને જણાવી દઈએ કે અમેરિકામાં છેલ્લા કેટલાક સમયથી ગોળીબારની ઘટનાઓ વધી રહી છે. દેશમાં બંદૂકની હિંસાની ઘટનાઓ રેકોર્ડ કરતા ઓનલાઈન ડેટાબેઝ અનુસાર, યુ.એસ.માં 2022 માં અત્યાર સુધીમાં 200 થી વધુ સામૂહિક ગોળીબાર થયા છે.
અમેરિકી રાષ્ટ્રપતિને માહિતી આપવામાં આવી છે
તુલસામાં બુધવારની ઘટનાએ અમેરિકનોને ચોંકાવી દીધા છે અને બંદૂક નિયંત્રણ અંગે ચર્ચા જગાવી છે. પોલીસ શંકાસ્પદની ઓળખ મેળવવાનો પ્રયાસ કરી રહી છે અને તેની ઉંમર 35 થી 40 વર્ષની વચ્ચે હોવાનું અનુમાન છે. વ્હાઇટ હાઉસના જણાવ્યા અનુસાર રાષ્ટ્રપતિ જો બિડેનને ગોળીબાર અંગે જાણકારી આપવામાં આવી હતી. તુલસા રાજધાની, ઓક્લાહોમા સિટીના ઉત્તરપૂર્વમાં આશરે 100 માઇલ (160 કિમી) દૂર સ્થિત છે. અહીંની વસ્તી લગભગ 411,000 છે.