અભિનેત્રી પૂજા હેગડેએ બોલિવૂડની સાથે સાથે સાઉથમાં પણ પોતાની ઓળખ બનાવી છે. તાજેતરમાં, અભિનેત્રી તેની સાથે ફ્લાઇટમાં થયેલા ખરાબ વર્તનને કારણે ઇન્ડિગો એરલાઇન પર ભડકી છે. પૂજા હેગડેએ તેના ટ્વિટર હેન્ડલ પરથી એક ટ્વિટ કર્યું છે. જેમાં તેણે ઈન્ડિગો એરલાઈનને ટેગ કર્યું છે. ઈન્ડિગો એરલાઈનના સ્ટાફે પૂજા હેગડે સાથે ગેરવર્તન કર્યું છે. જેના કારણે તેણે ઈન્ડિગો એરલાઈનને ફરિયાદ કરી છે.
તેણે પોતાના ટ્વીટમાં લખ્યું, ‘ઇન્ડિગો એરલાઇનના સ્ટાફ મેમ્બર વિપુલ નકાશેએ આજે મુંબઇથી ઉડાન ભરતી વખતે અમારી સાથે ખૂબ જ ખરાબ વર્તન કર્યું, તે ખૂબ જ અસંસ્કારી, અજ્ઞાની, ઘમંડી અને ધમકીભર્યા સ્વરમાં બોલ્યો. જે ખૂબ જ દુઃખદ છે. સામાન્ય રીતે હું આ મુદ્દાઓ પર ટ્વિટ કરતી નથી, પરંતુ તે ખરેખર ભયાનક હતું.’ ઈન્ડિગો એરલાઇને પૂજા હેગડેના ટ્વીટનો જવાબ આપતા ટ્વિટ પણ પોસ્ટ કર્યું હતું જેમાં લખ્યું હતું, ‘મિસ પૂજા તમને ફ્લાઈટમાં આ પ્રકારનો અનુભવ થયો હતો. આ માટે માફ કરશો, અમે ઈચ્છીએ છીએ. તમારી સાથે તરત જ કનેક્ટ થાઓ, તેથી તમારો સંપર્ક નંબર અને PNR નંબર dm કરો.’ જોકે, આ ટ્વીટ પર પૂજા હેગડે તરફથી હજુ સુધી કોઈ પ્રતિક્રિયા આપવામાં આવી નથી.
Ms. Hegde, sorry to note your experience. We'd like to connect with you immediately hence, please DM us your PNR along with the contact number. ~Linda https://t.co/xcJPAifuBc
— IndiGo (@IndiGo6E) June 9, 2022
નોંધનીય છે કે પૂજા હેગડે ટૂંક સમયમાં રોહિત શેટ્ટીની ફિલ્મ ‘સર્કસ’માં રણવીર સિંહ સાથે મુખ્ય ભૂમિકામાં જોવા મળશે. આ ફિલ્મમાં જેકલીન ફર્નાન્ડીઝ અને વરુણ ધવન પણ મહત્વના રોલમાં જોવા મળશે. આ સિવાય પૂજા હેગડે સલમાન ખાન સાથેની ફિલ્મ ‘કભી ઈદ કભી દિવાલી’માં પણ લીડ રોલમાં જોવા મળશે.
આ પણ વાંચો: ખુદા હાફિઝ ચેપ્ટર 2 અગ્નિ પરીક્ષા : ટીઝર જોઇને ફેન્સ થયા ક્રેઝી તો ડિરેકટરએ કહ્યું આવું
આ પણ વાંચો:બ્રહ્માસ્ત્રમાં બચ્ચનનો લુક : હાથમાં હથિયાર અને ઉગ્ર હાઉભાઉ સાથે જોવા મળશે સુપર હીરો
આ પણ વાંચો:સલમાન ખાનને ધમકી આપનારની થઇ ઓળખ,જાણો કોણે ધમકીભર્યો પત્ર લખ્યો
