ન્યૂઝીલેન્ડના પૂર્વ બેટ્સમેન રોસ ટેલરે પોતાની ઓટો બાયોગ્રાફી ‘બ્લેક એન્ડ વ્હાઇટ’માં ચોંકાવનારો ખુલાસો કર્યો છે. ટેલરે આ પુસ્તકમાં જણાવ્યું છે કે IPL ફ્રેન્ચાઇઝી રાજસ્થાન રોયલ્સ (RR) તરફથી રમતી વખતે એક સમયે તે શૂન્ય પર આઉટ થયો ત્યારે ટીમના માલિકે થપ્પડ મારી હતી.
તેમણે લખ્યું કે થપ્પડ જોરથી ન હતી, પરંતુ તેને ખાતરી નહોતી કે તે થઈ શકે છે. પંજાબ સામેની મેચ દરમિયાન આ ઘટના બની હતી ટેલરે પોતાની આત્મકથામાં લખ્યું છે કે, ‘રાજસ્થાનની ટીમ મોહાલીમાં કિંગ્સ ઈલેવન પંજાબ સામે 195 રનના લક્ષ્યનો પીછો કરી રહી હતી. હું શૂન્યના સ્કોર પર એલબીડબ્લ્યુ આઉટ થયો હતો અને અમે લક્ષ્ય સુધી પહોંચી શક્યા ન હતા. બાદમાં ટીમ, સપોર્ટ સ્ટાફ અને મેનેજમેન્ટ હોટલના ટોપ ફ્લોર પરના બારમાં હતા. વોર્ન સાથે લિઝ હર્લી પણ ત્યાં હાજર હતા.
રોયલ્સના માલિકે મને કહ્યું, ‘રોસ, અમે તમને શૂન્ય પર આઉટ થવા માટે એક મિલિયન ડોલર નહોતા આપ્યા, ત્યારબાદ તેમણે મને 3-4 વાર ગાલ પર લાફો માર્યો. તે હસતા હતા અને તે જોરથી લાફો નહતો માર્યો, પણ મને ખાતરી ન હતી કે તે સંપૂર્ણ રીતે પ્લે-એક્ટ છે. હું કોઈ મુદ્દો બનાવવા માંગતો ન હતો, પરંતુ હું કલ્પના કરી શકતો નથી કે તે ઘણા વ્યાવસાયિક રમતગમત વાતાવરણમાં આ થાય છે.
