- ટીડીએસ અને કોર્પોરેટ ટેક્સમાં ઘટાડાનો ફાયદો મળ્યો
- ટેક્સ કલેકશનમાં વૃદ્ધિ ભારતીય અર્થતંત્રની મજબૂતાઈ દર્શાવે છે
- 17 ડિસેમ્બર, 2022 સુધીમાં લગભગ રૂ. 2.28 લાખ કરોડના રિફંડ જારી કરાયા
ચાલુ નાણાકીય વર્ષમાં અત્યાર સુધીમાં દેશમાં ગ્રોસ ડાયરેક્ટ ટેક્સ કલેક્શન 26 ટકા વધીને રૂ. 13.63 લાખ કરોડથી વધુ થઈ ગયું છે, આ ટેક્સ TDS અને એડવાન્સ કોર્પોરેટ ટેક્સમાં ઘટાડાથી પ્રાપ્ત થયો છે. દેશમાં ટેક્સ કલેક્શનમાં વધારો એવા સમયે થઈ રહ્યો છે જ્યારે વૈશ્વિક અર્થવ્યવસ્થામાં મંદીની સંભાવના દર્શાવે છે ત્યારે ટેક્સ કલેકશનની વૃદ્ધિ ભારતીય અર્થતંત્રની મજબૂતાઈ દર્શાવે છે.
સરકાર દ્વારા જારી કરવામાં આવેલા નિવેદનમાં કહેવામાં આવ્યું છે કે વર્તમાન નાણાકીય વર્ષમાં કુલ ડાયરેક્ટ ટેક્સ કલેક્શન 26 ટકા વધીને 13.63 લાખ કરોડ સુધી પહોંચી ગયું છે. રિફંડના એડજસ્ટમેન્ટ પછી નેટ ડાયરેક્ટ ટેક્સ કલેક્શન રૂ. 11.35 લાખ કરોડ હતું, જે આખા વર્ષ માટેના બજેટ લક્ષ્યના લગભગ 80 ટકા છે.
ડાયરેક્ટ ટેક્સમાં કોર્પોરેટ ટેક્સ અને પર્સનલ ઇન્કમ ટેક્સનો સમાવેશ થાય છે. 13,63,649 કરોડના ગ્રોસ ડાયરેક્ટ ટેક્સ કલેક્શનમાં રૂ. 7.25 લાખ કરોડનો કોર્પોરેટ ટેક્સ અને રૂ. 6.35 કરોડના સિક્યોરિટીઝ ટ્રાન્ઝેક્શન ટેક્સ (STT) સાથે વ્યક્તિગત આવકવેરાનો સમાવેશ થાય છે, એમ સેન્ટ્રલ બોર્ડ ઑફ ડાયરેક્ટ ટેક્સિસ (CBDT) એ જણાવ્યું હતું.
સીબીડીટીએ જણાવ્યું હતું કે 17 ડિસેમ્બર, 2022 સુધીમાં લગભગ રૂ. 2.28 લાખ કરોડના રિફંડ જારી કરવામાં આવ્યા છે, જે એક વર્ષ અગાઉના સમયગાળા કરતાં 68 ટકા વધુ છે. સીબીડીટીએ વધુમાં જણાવ્યું હતું કે ઈન્કમ ટેક્સ રિટર્ન (આઈટીઆર)ની સંખ્યા ઝડપથી વધી રહી છે. 17 ડિસેમ્બર સુધી 96.50 ટકા ITR ની ચકાસણી કરવામાં આવી છે. ઝડપી રિફંડ પ્રક્રિયાને કારણે ચાલુ નાણાકીય વર્ષમાં રિફંડની સંખ્યામાં પણ 109 ટકાનો વધારો થયો છે.