- મુંબઈ ટ્રાન્સ-હાર્બર લિંક પ્રોજેક્ટનું 90 ટકા કામ પૂરુ
- પુલ ખુલ્લો મૂકાતા દક્ષિણ મુંબઈથી નવી મુંબઈનું અંતર 15થી 20 મિનિટમાં કાપી શકાશે
- હાલમાં દક્ષિણ મુંબઈથી નવી મુંબઈ જવા લગભગ બે કલાક લાગે છે
MTHL મહારાષ્ટ્રના મુખ્ય પ્રધાન એકનાથ શિંદેએ જણાવ્યું હતું કે મુંબઈ ટ્રાન્સ-હાર્બર લિંક (MTHL)નું 90 ટકા બાંધકામ પૂર્ણ થઈ ગયું છે અને આ વર્ષે નવેમ્બરમાં બ્રિજને ટ્રાફિક માટે ખુલ્લો મુકવામાં આવશે. એક સત્તાવાર પ્રકાશનમાં મુખ્ય પ્રધાનને ટાંકીને કહેવામાં આવ્યું છે કે તે “દેશનો સૌથી લાંબો દરિયાઈ પુલ” હશે અને ‘ઓપન રોડ ટોલિંગ’ (ORT) સિસ્ટમની સુવિધા ધરાવતો પ્રથમ પુલ પણ હશે. આ 22 કિમી લાંબા પુલનો 16.5 કિમીનો હિસ્સો સમુદ્ર પર બનાવવામાં આવશે.
આ પણ વાંચોઃ ભારતીય ઇતિહાસ બ્રિટિશ દ્રષ્ટિકોણથી લખાયો છે: અમિત શાહ
શિંદેએ કહ્યું કે એકવાર પુલ ટ્રાફિક માટે ખુલ્લો થઈ જશે તો મધ્ય મુંબઈમાં સેવરીથી નવી મુંબઈના ચિર્લે સુધી 15 થી 20 મિનિટમાં જવાનું શક્ય બનશે. તેમણે કહ્યું કે ‘ઓપન ટોલિંગ સિસ્ટમ’ના કારણે વાહનોને ટોલ ભરવા માટે પુલ પર રોકાવું પડશે નહીં. ભારતના આ સૌથી લાંબા સીબ્રિજ પર રોજના 70 હજારથી વધારે વાહનો પસાર થાય તેવો અંદાજ મૂકવામાં આવ્યો છે.
આ પણ વાંચોઃ કેન્દ્રીય ગૃહમંત્રી અમિત શાહ ઉત્તરાયણ પર્વે બે દિવસ ગુજરાતના પ્રવાસે આવશે!
મુંબઈ મેટ્રોપોલિટન રિજન ડેવલપમેન્ટ ઓથોરિટી (એમએમઆરડીએ)ના અધિકારીઓએ જણાવ્યું કે આ સિસ્ટમ હાલમાં સિંગાપોરમાં ઉપયોગમાં લેવાય છે. MMRDA, મહારાષ્ટ્ર સરકારની એજન્સી, જાપાન ઇન્ટરનેશનલ કોઓપરેશન એજન્સી દ્વારા ભંડોળ પૂરું પાડવામાં આવેલ MTHL પ્રોજેક્ટનું સંચાલન કરે છે.
આ પણ વાંચોઃ એર ઈન્ડિયાની ફ્લાઈટમાં મિડ-એરમાં સરપ્રાઈઝ પ્રપોઝ
છ લેનનો MTHL પ્રોજેક્ટ મુંબઈ મેટ્રોપોલિટન રિજન ડેવલપમેન્ટ ઓથોરિટી (MMRDA) દ્વારા અમલમાં મૂકવામાં આવી રહ્યો છે અને તેને જાપાન ઈન્ટરનેશનલ કોઓપરેશન એજન્સી દ્વારા ધિરાણ આપવામાં આવ્યું છે. 22 કિલોમીટર લાંબા પુલની કલ્પના 1980માં કરવામાં આવી હતી અને ત્યારથી તેનો પ્રોજેક્ટ ખર્ચ 400 ટકાથી વધુ વધી ગયો છે. 2017માં પુલનું બાંધકામ આખરે શરૂ થયું હતું.
આ પણ વાંચોઃ
