West Bengal News: કેન્દ્રીય ગૃહમંત્રી અમિત શાહ (Amit Shah) પશ્ચિમ બંગાળ (West Bengal)ના બે દિવસના પ્રવાસે છે. તેઓ આજે અને સોમવારે અનેક કાર્યક્રમોમાં હાજરી આપી ઉદ્ઘાટન પણ કરશે. ભાજપ સરકાર 2026માં બંગાળમાં સરકાર બનાવવાની વાત કરી છે. લોકેટ ચેટર્જીએ કહ્યું કે ઓપરેશન સિંદૂર (Operation Sindoor) પછી દરેક વ્યક્તિ અમિત શાહની મુલાકાતનું સ્વાગત કરી રહી છે. આ તેમના માટે ગર્વની વાત છે. 2026 માં ભાજપ રાજ્યમાં સરકાર બનાવશે.
ભાજપના સાંસદ સૌમિત્ર ખાને કહ્યું, “લોકો કેન્દ્રીય ગૃહમંત્રીની મુલાકાતને લઈને ઉત્સાહિત છે અને અમે 2026 માં સરકાર બનાવીશું.” તેમણે વધુમાં કહ્યું, “પશ્ચિમ બંગાળના મુખ્યમંત્રી ક્યારેય સાચી વાત કહેતા નથી. તેઓ ક્યારેય વિચારતા નથી કે બીજું કોઈ સાચું હોઈ શકે છે. તેમણે પશ્ચિમ બંગાળના લોકોને મૂર્ખ બનાવ્યા છે અને રાજ્ય પોલીસને બદનામ કરી છે. તેઓ રોહિંગ્યા અને બાંગ્લાદેશીઓની તરફેણ કરે છે અને મહિલાઓનું સન્માન કરતા નથી.”
ઓપરેશન સિંદૂર પછી બંગાળનો પહેલો પ્રવાસ
‘ઓપરેશન સિંદૂર’ની સફળતા પછી અમિત શાહની આ પહેલી બંગાળ મુલાકાત છે. કોલકાતા પહોંચ્યા બાદ, તેમણે એરપોર્ટ પર હાથ હલાવીને ભાજપ સમર્થકોનું સ્વાગત કર્યું. ભાજપના પ્રદેશ પ્રમુખ સુકાંત મજુમદાર, રાજ્ય વિધાનસભામાં વિરોધ પક્ષના નેતા સુવેન્દુ અધિકારી અને ભાજપના નેતાઓ અગ્નિમિત્ર પોલ, રાહુલ સિંહા સહિત વિવિધ નેતાઓએ તેમનું સ્વાગત કર્યું. મુલાકાત પહેલા, શાહે ‘X’ પર એક પોસ્ટમાં લખ્યું હતું કે, “કોલકાતા જવા રવાના થઈ રહ્યા છીએ. આવતીકાલે, સેન્ટ્રલ ફોરેન્સિક સાયન્સ લેબોરેટરીના નવા મકાનનું ઉદ્ઘાટન કરીશું, જે પશ્ચિમ બંગાળ અને ઉત્તરપૂર્વ ભારતમાં ફોજદારી ન્યાય પ્રણાલીને મજબૂત બનાવવામાં મોટો ફાળો આપશે. કોલકાતામાં વિજય સંકલ્પ કાર્યકર્તા સંમેલનમાં કાર્યકરો સાથે વાતચીત કરીશું. કાર્યક્રમોમાં ભાગ લેવા માટે આતુર છું.”
અમિત શાહનો કાર્યક્રમ
અમિત શાહ રાજરહાટ ખાતે સેન્ટ્રલ ફોરેન્સિક સાયન્સ લેબોરેટરી (CFSL) ના ઉદ્ઘાટન સાથે તેમના પ્રવાસની શરૂઆત કરશે. આ પછી, શાહ નેતાજી ઇન્ડોર સ્ટેડિયમ ખાતે પાર્ટી કોન્ફરન્સમાં ભાજપના નેતાઓ અને અધિકારીઓને સંબોધિત કરશે. તેઓ 2026 ની વિધાનસભા ચૂંટણી પહેલા પશ્ચિમ બંગાળ માટે પાર્ટીની રણનીતિ પર ધ્યાન કેન્દ્રિત કરે તેવી અપેક્ષા છે. બંગાળ ભાજપ પ્રમુખ અને કેન્દ્રીય મંત્રી સુકાંત મજુમદારે કહ્યું, “અમિત શાહ અમને રાજ્યમાં આગામી વિધાનસભા ચૂંટણી માટે રૂપરેખા આપશે.” શાહ ઉત્તર કોલકાતાના શિમલા સ્ટ્રીટ ખાતે સ્વામી વિવેકાનંદના પૂર્વજોના ઘરની પણ મુલાકાત લેશે. અમિત શાહની આ મુલાકાત પ્રધાનમંત્રી નરેન્દ્ર મોદીની ઉત્તર બંગાળ મુલાકાતના બે દિવસ પછી થઈ રહી છે.
આ પણ વાંચો:ઓપરેશન સિંદૂર બાદ કેન્દ્રીય ગૃહમંત્રી અમિત શાહ આજથી બે દિવસ ગુજરાતના પ્રવાસે
આ પણ વાંચો:પાણીનું એક ટીપું પણ પાકિસ્તાન નહીં જાય, ગૃહમંત્રી અમિત શાહે જલશક્તિ મંત્રી સાથે બેઠક યોજી
આ પણ વાંચો:NIA ટીમ પહલગામ પહોંચી, ગૃહમંત્રી અમિત શાહે મૃતકોને શ્રદ્ધાંજલિ આપી
