Bansuri in Delhi BJP: સુષ્મા સ્વરાજની પુત્રી બાંસુરી સ્વરાજને દિલ્હી ભાજપના લીગલ સેલના સહ-સંયોજક તરીકે નિયુક્ત કરવામાં આવ્યા છે. આ સાથે બાંસુરી સ્વરાજ સક્રિય રાજકારણમાં પ્રવેશ્યા છે. બાંસુરી સ્વરાજ સુપ્રીમ કોર્ટમાં વકીલાત કરે છે. દિલ્હી બીજેપીના વડા વીરેન્દ્ર સચદેવાએ પક્ષના પૂર્ણ-સમયના પ્રદેશ અધ્યક્ષ તરીકેનો ચાર્જ સંભાળ્યા બાદ બાંસુરી સ્વરાજને લીગલ સેલના સહ-સંયોજક તરીકે નિયુક્ત કર્યા. પદ સંભાળ્યા બાદ વીરેન્દ્ર સચદેવાની રાજ્ય એકમમાં આ પ્રથમ નિમણૂક છે. સચદેવાએ શુક્રવારે જારી કરેલા પત્રમાં જણાવ્યું હતું કે સ્વરાજની નિમણૂક તાત્કાલિક અસરથી અમલમાં આવશે. આશા છે કે તે પાર્ટીને મજબૂત કરશે.

I am grateful to the Hon'ble PM @narendramodi ji, @AmitShah ji, @JPNadda ji, @blsanthosh ji, @Virend_Sachdeva ji, @BJP4Delhi and @BJP4India for giving me this opportunity to serve the party as the state co-convenor of the Bharatiya Janata Party Delhi State Legal Cell. pic.twitter.com/ItS4to99hn

— Bansuri Swaraj (@BansuriSwaraj) March 26, 2023

દિલ્હી ભાજપના લીગલ સેલના સહ-સંયોજક નિયુક્ત થયા બાદ બાંસુરી સ્વરાજે કહ્યું કે, હું એક લાયક વકીલ છું. હું ભૂતકાળમાં પણ કાયદાકીય બાબતોમાં પક્ષને મદદ કરતી રહ્યી છું. નવી વાત એ છે કે મને ઔપચારિક રીતે દિલ્હી ભાજપના કાનૂની વિભાગના સહ-સંયોજક તરીકે નિયુક્ત કરવામાં આવી છે. મને હવે વધુ સક્રિય રીતે પાર્ટીની સેવા કરવાની તક આપવામાં આવી છે. હું માનનીય વડાપ્રધાન નરેન્દ્ર મોદી જી, અમિત શાહ જી, જેપી નડ્ડા જી અને વિરેન્દ્ર સચદેવા જીનો આભાર માનું છું કે તેમણે મને દિલ્હી ભાજપના લીગલ સેલના રાજ્ય સહ-સંયોજક તરીકે પાર્ટીની સેવા કરવાની આ તક આપી.

જાણીતું છે કે બાંસુરી સ્વરાજ પૂર્વ વિદેશ મંત્રી સુષ્મા સ્વરાજની એકમાત્ર પુત્રી છે. તેમના પિતાનું નામ સ્વરાજ કૌશલ છે જેઓ ફોજદારી વકીલ છે. બાંસુરીએ ઓક્સફોર્ડ યુનિવર્સિટીમાંથી ગ્રેજ્યુએશન કર્યું છે. બાંસુરી ફોજદારી કેસ લડે છે. તે દિલ્હી હાઈકોર્ટમાં પણ પ્રેક્ટિસ કરે છે. બાંસુરી સ્વરાજે તેમના પિતાનો વકીલાતનો વ્યવસાય અપનાવ્યો હતો. સ્વરાજ કૌશલ 1990 થી 1993 સુધી મિઝોરમના રાજ્યપાલ પણ રહી ચૂક્યા છે. માત્ર 34 વર્ષની વયે સ્વરાજ કૌશલ દેશના સૌથી યુવા એડવોકેટ જનરલ બન્યા.

આ પણ વાંચો: Reservation/ ભાજપે મુસ્લિમ આરક્ષણ નાબૂદ કર્યું, કોંગ્રેસે કહ્યું- અમે તેને પુનઃસ્થાપિત કરીશું

આ પણ વાંચો: Boxing/ બોક્સિંગમાં ટીમ ઈન્ડિયાની ગોલ્ડન હેટ્રિક, નિખત ઝરીને ગોલ્ડ જીતીને ઈતિહાસ રચ્યો

આ પણ વાંચો: Uttar Pradesh/ અતીક અહેમદ યુપી કેમ જવા માંગતો ન હતો? જાણો કારણ

આ પણ વાંચો: Air India/ એર ઇન્ડિયા અને નેપાળ એરલાઇન્સના વિમાનો એકબીજા સાથે અથડાતા બચી ગયા, મોટી દુર્ઘટના ટળી