રેલવે મંત્રી અશ્વિની વૈષ્ણવે શુક્રવારે (2 જૂન) ઓડિશામાં થયેલા ટ્રેન દુર્ઘટના પર શોક વ્યક્ત કર્યો છે. તેમણે મૃતકોના નજીકના પરિજનો માટે રૂ. 10 લાખ, ગંભીર રીતે ઘાયલ મુસાફરો માટે રૂ. 2 લાખ અને સામાન્ય ઇજાગ્રસ્તોને રૂ. 50,000નું વળતર આપવાની જાહેરાત કરી છે.

Ex-gratia compensation to the victims of this unfortunate train accident in Odisha;
₹10 Lakh in case of death,
₹2 Lakh towards grievous and ₹50,000 for minor injuries.

— Ashwini Vaishnaw (@AshwiniVaishnaw) June 2, 2023

અશ્વિની વૈષ્ણવે ટ્વીટ કર્યું કે તેઓ ઓડિશા જઈ રહ્યા છે. ભુવનેશ્વર અને કોલકાતાથી પણ રેસ્ક્યુ ટીમો એકત્ર કરવામાં આવી છે. NDRF, રાજ્ય સરકાર અને એરફોર્સની ટીમો સ્થળ પર હાજર છે. તેમણે કહ્યું કે બચાવ કામગીરી માટે જરૂરી તમામ પગલાં લેવામાં આવશે.

વડાપ્રધાન નરેન્દ્ર મોદીએ પણ ટ્રેન દુર્ઘટના પર શોક વ્યક્ત કર્યો છે. આ સાથે તેમણે આ અકસ્માત અંગે રેલવે મંત્રી અશ્વિની વૈષ્ણવ સાથે વાત કરી છે. તેમણે ટ્વીટ કર્યું, “ઓડિશામાં ટ્રેન દુર્ઘટનાની ઘટનાથી હું વ્યથિત છું. મારા વિચારો શોકની આ ઘડીમાં શોકગ્રસ્ત પરિવારો સાથે છે. હું ઘાયલો ઝડપથી સાજા થાય તેવી કામના કરું છું. રેલવે પ્રધાન અશ્વિની વૈષ્ણવ સાથે વાત કરી અને પરિસ્થિતિનો તાગ મેળવ્યો. “અકસ્માત સ્થળ પર બચાવ કામગીરી ચાલી રહી છે અને અસરગ્રસ્ત લોકોને તમામ શક્ય સહાય પૂરી પાડવામાં આવી રહી છે.”